O Burela Pescados Rubén vence e convence no derbi lucense co Azkar Lugo (4-1). O duelo comezou a inclinarse do bando local nos primeiros minutos. Vista Alegre, cun gran ambiente e cheo, celebrou con entusiasmo o 1-0 logrado por Matamoros, minuto 3, tras unha gran asistencia de Hugo.
Os bureleses saíron enchufados a un derbi de alta voltaxe con ambas escuadras presionando ao seu rival sen miramentos aínda que sen excesivas ocasións. Aos poucos, os bureleses tomaron as rendas do choque aínda que Edu tivo que intervir para evitar o empate transportista nunha das súas escasas chegadas. O segundo tanto laranxa facíase esperar e cando Isi encaraba a Mendiola este derríbao fora do área e é expulsado, minuto 18. O Burela Pescados Rubén dispoñía de superioridade numérica que non desaproveitou e Burrito marcou o 2-0 co que se chegou ao descanso.
No segundo acto, o dominio local foise incrementando co paso dos minutos ante un Azkar voluntarioso pero que non atopaba como meterse no derbi. O meta transportista, Óscar Iglesias, erixiuse en protagonista do seu equipo salvando as ocasións locais ata que Matamoros executou maxistralmente unha falta, ao bordo do área, por toda a escuadra.
A pesar do 3-0 os pupilos de Juanlu non se relaxaron e seguían con gañas de ampliar a súa renda cun Azkar que xa deixaba máis espazos. Nunha contra guiada por Juanma, Mimi asistiu ao segundo pau para que Iago Míguez materializase o 4-0, na semana da súa renovación. Diego Ríos xogou a carta do porteiro xogador e aínda que Jandri recurtou distancias (4-1) a vitoria burelesa no derbi lucense quedouse en Vista Alegre.
Ficha técnica
Burela FS Pescados Rubén: Edu, Mimi, Hugo, Matamoros, Antoñito ?cinco inicial- Iago Míguez, Juanma, Burrito, Isi, Christian.
Azkar Lugo: Mendiola, Diego, Jandri, Alex Diz, Antonio Diz ?cinco inicial- Chano, Cuco, Adrián, Óscar Igrexas, Zala, Cospe.
Goles: 1-0, m.3, Matamoros; 2-0, m.19, Burrito; 3-0, m. 27, Matamoros; 4-0, m. 32, Iago Míguez; 4-1, m.34, Jandri.
Árbitros: Gracia Marin, Munez Carpintero
Tarxetas: No Burela; amarela a Matamoros (m.18) No Azkar Lugo; tarxeta amarela a Antonio Diz (m.13), Óscar Iglesias (m.27), vermella directa a Mendiola (m.18).
Incidencias: Partido disputado no pavillón Vista Alegre de Burela correspondente á xornada 19 de Primeira División. 1400 espectadores.
*Fotos: A Caixa Escura Producións.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
