Convivencia da Confraría do Cristo Xacente e a Virxe das Dores

O domingo día 12 de xaneiro a Confraría do Cristo Xacente e a Virxe das Dores organizou unha xornada de convivencia para confrades e non confrades. O acto consistiu na celebración dunha misa ás 5 da tarde, celebrada polo sacerdote Cándido Otero, unha excursión ata a parroquia da Regueira, en Xove, para ver o Belén alí organizado e, para rematar, unha chocolatada na Confitería Méndez de Ferreira do Valadouro. Preto de 100 persoas participaron nesta convivencia e houbo varios participantes que se inscribiron como novos confrades; chegando a ser máis de 100 persoas na actualidade ás que forman parte da Confraría que ten como finalidade principal dinamizar os actos da Semana Santa nos concellos de Alfoz e O Valadouro.