CERVO, 14 DE FEBREIRO. Concluido o ano 2013, os socialistas de Cervo fan balance do gasto que supón para os veciños de Cervo o servizo de abastecemento de auga, “coas facturas enriba da mesa, cada familia cervense paga de media uns 500 euros anuais pola auga”.
Tanto é así que “se chegará a convertir nunha cuestión de luxo”, dende o Grupo Municipal Socialista subliñan que “este equipo de goberno que presumiu e presume de facer xestións para garantir un servizo público de auga, non fai máis ca mentirlle ós veciños. Día a día comprobamos que a firma do Consorcio de augas Cervo-Burela só foi o pretexto para a privatización do servizo e a consecuente subida do seu prezo”.
Lembran que dende o 2012 “curiosamente ano no que se pon en funcionamento este Consorcio, o custo da auga incrementouse nun 40%”.
Pagar dobremente pola auga
Ademais, a privatización deste servizo provoca que “os veciños de Cervo estén pagando dobremente pola auga. Por un lado, o que sae do peto de cada familia por cada factura e por outra banda, o que o Concello paga anualmente a este Consorcio, de media uns 180.000 euros”.
Por todo, os socialistas insisten en que “se ós 350 euros que pagamos de media por tódolos recibos dun ano, lle sumamos a parte proporcional destes 180.000 euros que asume o Concello, diñeiro das arcas municipais que aportamos todos, unha familia de tres membros chega a pagar unha media duns 500 euros cada ano polo servizo da auga”.
Con estas contas, os membros do GMS denuncian que “as políticas deste goberno do Partido Popular atacan dobremente á economía dos nosos veciños e teñen demostrado que pretenden favorecer a privatización dos servizos públicos a costa dos cartos de todos nós, do empobrecemento da cidadanía. O poder adquisitivo da poboación baixa porque os salarios e pensións non se incrementan e só suben os impostos e o custo dos servizos máis básicos. Estamos sendo dobremente atacados, non podemos consentir que esta situación quede sen saír á luz”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
