A Deputación de Lugo asinou hoxe un convenio coa Asociación de Mulleres Empresarias da provincia, polo que achegará 60.000 euros para a creación do primeiro “Banco de Tempo Empresarial de Mulleres” de Galicia, favorecendo o contacto de xeito directo entre empresarias, emprendedoras e a propia Asociación para crear emprego e favorecer a comercialización. A creación deste punto de encontro virtual permitirá, ademais, a colaboración entre as mulleres do urbano e do rural.
Gómez Besteiro destacou a importancia do papel das Administracións no nacemento deste tipo de iniciativas. O Presidente insistiu na trascendencia deste respaldo no momento actual, no que “as medidas emprendidas polos Gobernos central e autonómico están dificultando o papel das mulleres”, e salientou que a EPA revela que a taxe de inactividade feminina é do 56% na provincia –un 58% no caso de Galicia-.
A fenda laboral e salarial entre homes e mulleres, “esixe que o traballo e o emprendemento feminino conten cunha especial protección e que nas Administracións non nos quedemos de brazos cruzados”. Baste sinalar que as mulleres teñen que traballar 82 días máis ó ano que os homes; acumulan a maioría de contratos temporais e realizan máis do 80% do traballo non remunerado.
Grazas a esta colaboración, a Asociación Provincial de Mulleres Empresarias, cun cento de membros, porá en marcha este “Banco de Tempo Empresarial para mulleres”, unha plataforma online que permitirá a empresarias e emprendedoras establecer contacto coa Asociación e entre elas, de xeito rápido e sinxelo, para crear negocios e postos de traballo. Este pioneiro “Banco de Tempo” contará cun regulamento que axustará á legalidade vixente calquera tipo de actividade que se desenvolva ó seu abeiro.
Mulleres do urbano e do rural
Outra das vantaxes que ofrecerá este Banco de Tempo será a creación de estratexias que favorezan o emprendemento no entorno rural, no que as mulleres atopan dificultades engadidas. Ó respecto, Gómez Besteiro destacou a importancia do traballo feminino no rural, fundamental para a estabilidade e o desenvolvemento destas zonas, especialmente afectadas polo despoboamento, “porque elas son responsables en gran medida da modernización e dignificación do traballo no noso agro pero tamén son as máis afectadas por reformas que limitan a súa capacidade de acción, como a da Lei de Dependencia: o 80% das mulleres que coidan dos nosos dependentes vive precisamente no rural”.
Pola súa banda, Beatriz Varela salientou que, grazas a este convenio, “a Asociación formalizará o labor que vimos facendo dende hai tempo, respondendo ás dúbidas dos emprendedores que non atopan a ninguén que lles axude”. Varela destacou que entidades que antes ofrecían estes servizos de asesoramento, como o INEM ou da Xunta, xa non o fan por mor dos recortes, polo que “estamos enchendo un baleiro”. Esta tarefa de asesoramento será un dos moitos servizos que ofrecerá este Banco de Tempo, xunto con outros como a elaboración de plans de empresa ou a formación en técnicas de marketing dixital.
Numerosas colaboracións
Esta non é a primeira colaboración que a Deputación de Lugo presta á Asociación de Mulleres Empresarias co obxectivo de impulsar o tecido empresarial lugués. A institución provincial apostou polo colectivo dotándoo de ferramentas tecnolóxicas, como unha páxina web cun directorio virtual, co que as empresas da Asociación teñen a oportunidade de dar a coñecer a súa actividade. O organismo provincial dotou á Asociación do material tecnolóxico necesario para poder levar a cabo o seu traballo. Este proxecto contou cun orzamento de preto de 50.000 euros, financiados nun 70% pola Unión Europea.
O apoio do organismo provincial ás empresarias tamén permitiu que alumnos e bolseiros da Escola de Imaxe e Son (EIS), baixo a supervisión de técnicos da TIC, elaboraran 50 vídeos promocionais das empresas de dito colectivo, co que tamén se colabora con iniciativas que celebra a Asociación, como o Lughnasad, unha feira multisectorial que acolleu a Praza de San Marcos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
