Manuel Martínez confirmou a presenza unha vez máis do organismo provincial na Comisión de Seguridade Vial do Parlamento “para traballar en beneficio dos cidadáns” e estudar medidas encamiñadas ás redución da siniestralidade vial, logo de lamentar a “incomprensible negativa” de cargos do Goberno central con competencias en tráfico a tomar parte na mesma.
Esta negativa foi comunicada ó Parlamento galego polo Delegado do Goberno, Samuel Juárez, impedindo así a presenza en dita Comisión da Coordinadora da DGT en Galicia; do Tenente Coronel de Tráfico da Garda Civil e do Xefe de Demarcación de Carreteras del Estado en Galicia. Manuel Martínez destacou que “esta Comisión persegue un ben común, que é a redución dos sinistros nas estradas da Comunidade, e o feito de que o señor Juárez non sexa capaz de entendelo así, amosa falla de miras e de categoría política”.
Martínez destacou a importancia de que as diferentes administracións tomen parte neste tipo de Comisións para “intercambiar experiencias na xestión de estradas, non só co fin de mellorar a seguridade dos usuarios, senón para abordar outros asuntos de interese como a coordinación de actuacións ante emerxencias ou a axilización do proceso de tranferencias”. Esta actitude “é a que mantemos sempre dende o Goberno provincial. A Deputación de Lugo, co anterior goberno, negábase a presentar os seus orzamentos no Parlamento galego para facilitar a coordinación interadministrativa. Dende hai seis anos, a Deputación recuperou a normalidade democrática e colabora co Parlamento como todas as demais”
Martínez denunciou que “ademais de amosar unha total falta de interese polo benestar dos cidadáns”, a negativa da Delegación do Goberno “amosa o ninguneo ó que o Goberno central somete ós galegos, evidenciando o pouco ou nada que o actual Presidente da Xunta supón”. Se se ignoran entre eles mesmos, que tipo de consideración podemos agardar que teñan cara ós demais?”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
