Barreiros, 18 de marzo de 2014. O BNG de Barreiros votou no pleno celebrado onte en Barreiros en contra dos orzamentos presentados polo goberno de Alfonso Fuente por considerar que “son uns orzamentos que reflicten que non existe ningún proxecto de futuro para o concello de Barreiros”.
“Nas contas presentadas, poden verse datos tan relevantes como que un concello como o de Barreiros ten que afrontar pagar todos os meses, a partir deste mes de agosto, máis de 37.300€ para devolver o préstamos a dez anos que o goberno do Estado estableceu para o pago a provedores. Mentres neste ano se destinarán preto de 296.000€ para o pago desta débeda; no mesmo período, todas as inversións que realizará a entidade municipal terán un custo de pouco máis de 185.000€, reducíndose en máis do 58% con respecto ao exercicio pasado. Fronte a esta redución, a partida destinada a defensa e asesoría xurídica increméntase nun 50%, chegando a orzamentar 40.000€ para este gasto.”
Para a formación nacionalista, “con estes orzamentos pouco futuro lle agarda ás veciñas e veciños de Barreiros que ven como os seus impostos e taxas seguen subindo, sen recibir nada a cambio.” Como exemplo máis claro, os nacionalistas explican que “tendo en conta o estado no que se atopa a rede viaria deste concello, que se adiquen 97.000€ para o seu arranxo (entre o gasto corrente e a inversión) é un insulto para as persoas que están a pagar os seus impostos neste concello.”
“O caso do concello de Barreiros é máis sangrante que o de calquera outro, xa que un concello de pouco máis de 3.000 habitantes ten unha débeda viva de cerca de 2.500.000€; pero é que ademais, este concello, non tivo problemas económicos ata que o goberno de Alfonso Fuente comezou a dilapidar o diñeiro e acaba tendo que pagar uns 4.000.000€ dun crédito, despois de ter tido ingresos de cerca de 2.000.000€ nun só ano. Polo tanto, no caso de Barreiros, non se está ante un problema económico causado pola crise, senón ante un problema creado pola xestión dos anteriores anos nos que se tirou co diñeiro público.”
Por outro lado, desde o BNG sinalan que “as previsións do Alcalde na recadación dos impostos de bens inmobles ou do imposto de construcións, instalacións e obras non reflicten o optimismo amosado por el mesmo nestes días nos medios de comunicación, xa que as previsións baixan ou mantéñense, nalgún caso, con respecto ás do ano anterior. Visto o visto, parece que nin o propio Alfonso Fuente cre no seu discurso do repunte da construción, co que intenta convencer a todo o mundo de que o seu modelo é de futuro.”
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
