Burela, 3 de abril de 2014. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, presentou, esta tarde, no Campo de Fútbol A Marosa, de Burela, a III Copa Deputación de Fútbol Base, que se disputará do 15 ao 20 de abril, coincidindo coa Semana Santa.
A competición comezará os días 15, 16 e 17 de abril en Lugo, no Campo de Frigsa e nas Gándaras, onde competirán as categorías infantil, e xuvenil e cadete, respectivamente; continuará o 18 e 19 de abril en Burela, no Campo da Marosa, onde xogarán benxamíns e prebenxamíns; para rematar o día 20, no Campo Municipal de Becerreá, onde se disputarán os encontros da categoría alevín.
Un total de 123 equipos participan nesta nova edición da Copa Deputación de Fútbol Base, que botara a andar no ano 2012, 19 xuvenís, 18 cadetes, 22 infantís, 23 alevíns, 23 benxamíns, e 18 prebenxamíns. Neste sentido, Antonio Veiga apuntou que “este torneo move a máis de 2.500 rapaces e as súas familias, polo que estamos falando dun evento cunha magnitude moi grande e que implica aos clubs de toda a provincia”.
“Como vén sendo a nosa liña de traballo, – continuou o vicepresidente – desde a área de Deportes da Deputación, queremos facer fincapé no apoio ao deporte de base, propoñendo esta competición futbolística que será tamén un gran evento socializador e de convivencia para todas e todos os nenos e as súas familias”.
Os clubs que teñan que percorrer mais de 50 km terán sufragados os gastos de desprazamento; así coma os de manutención no caso dos equipos de fóra do lugar da sede sempre que a organización o estime oportuno. Ademais, cada equipo participante, é dicir, os 123 equipos recibirán un regalo de material deportivo e cada crianza terá un detalle de participación así como os trofeos e medallas para os equipos finalistas.
“Desde a área de Deporte da Deputación de Lugo estamos a poñer todas as facilidades para que participen o maior número de futbolistas e de clubs. É un aliciente para os equipos saber que teñen todos os gastos cubertos, tanto de transporte, como manutención e aloxamento, se fose necesario, do que é boa proba que cada ano se sumen máis equipos de toda a provincia a esta competición” – concluíu Veiga.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
