O Burela FS Pescados Rubén B desprazarase este sábado á pista do ADFS Bueu (16.45 horas) na intensa pelexa polo título de Terceira División. A tan só tres xornadas para o seu peche, o cadro de Iván Cao, ‘Lucas’, ocupa a segunda praza con 44 puntos, empatado con Leis Pontevedra FS e A Estrada FS, pisando os talóns ao Pazos de Borbén (45 puntos); Santiago Futsal e Coruxo son quinto e sexto, respectivamente, con 43.
Tras o descanso competitivo, os burelistas viaxan con motivación dobre, para seguir gozando da apertada loita polo título, pero tamén para desquitarse da mala imaxe ofrecida na primeira volta, con resultado desfavorable de 3-4. “Temos tres partidos por diante con moita ilusión de pelexar ata o final” puntualizaba Lucas. Enfronte terán a un rival que ocupa a novena praza (30 puntos).
Xunto á baixa xa coñecida de Bruno de Nois, por lesión, o Burela FS tampouco poderá dispoñer de Hélder, que cumprirá o partido de suspensión imposto tras o último encontro. Como boa nova, Carlitos, habitual dos compromisos de Primeira División, poderá disputar este compromiso. Antón Couto, ausente nas últimas semanas por unha recaída da súa lesión da clavícula, tamén volverá á convocatoria, aínda que será dúbida ata última hora.
Últimos rivais
O cadro mariñán despedirá a liga na pista do actual líder, Pazos de Borbén, o 26 de abril; na penúltima xornada, o día 12, recibirá O Carballiño (oitavo) en Vista Alegre.
Outros encontros da xornada
Pazos de Borbén (1º)-Troula FS (7º, 35 puntos)
Ribeira FS (10º, 30 puntos)-A Estrada FS (3º, 44)
Coruxo (6º, 43 puntos)-Leis Pontevedra (4º, 44)
O Carballiño (8º, 35 puntos)-Santiago Futsal (5º, 43 puntos)
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
