NOTA DE PRENSA
A diferenza do que acontecía na época de xestión do bipartito, hoxe o IGAPE ofrece unha liña de axudas ás empresas que non require da presentación de avais adicionais para que estas poidan dispoñer de novas liñas de crédito
BALSEIRO LÉMBRALLE AO BNG QUE AS SÚAS PROPOSTAS PARA SOLUCIONAR A CRISE NON VALEN TAL E COMO QUEDOU DEMOSTRADO CO FRACASO NAS FURNAS DO GOBERNO BIPARTITO
• O novo Goberno de Galicia puxo en marcha nos cen primeiros días de xestión un plan de choque contra a crise, para o que destina 1.300 millóns de euros e que ten un triplo obxectivo: loitar contra o desemprego, impulsar a economía produtiva, apoiar ás familias e achegar liquidez ás empresas”.
• O Plan de Emprego Municipal impulsado por Feijóo permitirá a contratación nos distintos concellos da Mariña de persoas desempregadas que esgotaron a súa prestación
A Mariña, 11 de xuño de 2009.- O deputado do Partido Popular de Galicia Jose Manuel Balseiro Orol vén de saír ao paso das críticas efectuadas polos responsables comarcais do Bloque Nacionalista Galego en relación coas xestións do actual Executivo autonómico dirixidas a paliar as consecuencias da crise económica que vimos padecendo. Balseiro lémbralle aos nacionalistas que son a formación política menos lexitimada para dar leccións sobre esta cuestión xa que os galegos censuraron co seu voto o proceder da Xunta bipartita, da que eles formaban parte. De xeito especial, o anterior Goberno galego estivo desaparecido cando se trataba de apoiar ás pequenas e medianas empresas, comerciantes ou autónomos, ou cando se trataba de poñer en práctica medidas para frear a destrucción de emprego. Ámbitos nos que consellerías como a de Industria e Turismo, xestionadas polo BNG, tiñan moito que facer e non fixeron nada.
En contraposición con esta cuestión, o deputado popular salienta o plan de choque contra a crise aprobado no día de onte polo Consello da Xunta. O Goberno de Alberto Núñez Feijóo destina 1.300 millóns de euros para loitar contra a crise e dimanizar a economía galega e o fai con medidas que se desenvolven en tres ámbitos distintos: a creación de novos postos de traballo (Plan de Emprego Municipal), impulsar a economía produtiva e apoiar ás familias (Novos fondos para Lei de dependencia e redución de impostos) e achegar liquidez ás empresas (novas axudas do IGAPE). En definitiva, unha sucesión interminable de medidas fronte a inactividade que caracterizou o período anterior.
PLAN DE EMPREGO MUNICIPAL
A primeira das medidas de fomento do emprego, que puxo en marcha a Xunta ten por obxecto corrixir a difícil situación pola que pasan aquelas persoas que se atopan en paro e non están a recibir ningún tipo de prestación. Os distintos concellos da Mariña poderán contratalos durante un tempo determinado, para que desenvolvan as súas funcións en ámbitos de interese municipal, como a protección civil, cultura e deporte ou servizos relacionados coas novas tecnoloxías. En todo caso, a nova Xunta trata de garantir unha serie de ingresos mínimos a estes desempregados e impulsar a realización de actividades de interese xeral.
PAGOS DA LEI DE DEPENDENCIA E REDUCIÓN DE IMPOSTOS
Balseiro tamén remarcou a importancia dos fondos destinados ao apoio ás familias e o fomento das políticas de benestar. A Xunta reorientará as prioridades de gasto para achegar recursos adicionais como son a cobertura das pagas do coidador establecidas pola Lei da dependencia ou as axudas que lles correspondentes aos dependentes. Neste capítulo está recollida tamén a medida xa adoptada de reducir os impostos de transmisións patrimoniais e actos xurídicos documentados para a adquisición de vivendas, a menores de 36 anos e a familias numerosas, o que supón unha inxección directa de 7 millóns de euros.
IGAPE CONTRA A RESTRICIÓN DO CRÉDITO
Por outra banda salientou as políticas da nova Xunta dirixidas a facer do Instituto Galego de Promoción Económica (IGAPE) unha ferramenta ideal para facilitar o crédito ás pequenas e medianas empresas e aos emprendedores. Máis en concreto, salienta a importancia do denominado Plan Re-imaxina que está dirixido a este colectivo empresarial que xera máis do 80% dos empregos en Galicia. A Xunta promove unha serie de convenios cos bancos e caixas que facilitarán a obtención de créditos avalados, sen que as entidades bancarias poidan esixir garantías adicionais, tal e como viñan facendo ata o momento. En definitiva, o plan vén a loitar contra os atrancos que estaban a poñer as entidades financieras á hora de outorgar préstamos ou liñas de crédito. A través desta fórmula da que están a informar a través de charlas ou nas Oficinas de Desenvolvemento Local dos distintos concellos da Mariña, o novo Goberno de Galicia pretende inxectar cartos destinados ao investimento, ao mantemento da actividade empresarial e á xeración ou consolidación de emprego de calidade.
ACCIÓN “VS” INACTIVIDADE
En definitiva, 1.300 millóns de euros que non van solucionar a crise, pero que si son unha ferramenta para loitar contra a crise, segundo afirma o deputado popular, que remarca tamén o contraste coa inactividade do Goberno de PSOE e BNG. Socialistas e nacionalistas permaneceron de brazos cruzados ante unha situación grave, que incluso quixeron negar, a súa xestión tan só daba como resultado máis de paro, e máis desmoronamento da economía.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
