Cun estupendo día de sol, os senderistas de Pasada das Cabras de Burela, realizaron este martes a ruta costeira de O Vicedo que percorre gran parte dos areais do municipio. Para realizar esta camiñata desprazáronse no Feve ata a estación de Mosende, moi preto da praia de San Román, punto de inicio da mesma con vistas á ría de Viveiro. Pasaron polo mirador de Tixoso, viron a Illa Coelleira, aa praia de Xilloi, tamén un dos faros que hai na ría e finalmente chegaron á praia de Caolín, pequena cala con area blanquísima, onde hai unha antigua fábrica de salazón de pescado, xa moi próxima ó destino final, o porto de O Vicedo. Antes da comida servida polo restaurante Os Cruces disfrutaron dun baño na praia do Caolín. A vindeira ruta será a nocturna a San Cibrao o sábado 19.
Pasada das Cabras por O Vicedo
Relacionado
-
Vilalba inaugurou este domingo as festas de San Ramón e Santa María cunha gala no Auditorio Municipal, na que se entregou o LII Certame Literario —gañado por Jacobo Paz Limia pola obra Fíos— e se escoitou o pregón de Daniel Veiga, director da Banda de Música
-
A vía que conecta o cruce do Centro Social de Lago co Burgo da Barxa, en Xove, permanecerá cortada ao tráfico os días 31 de agosto, 1 e 2 de setembro debido aos traballos de mellora da ponte da Barxa
-
Veciños do barrio de Xunqueira, en Viveiro, denuncian o estado do cruce entre Camiño Real, Ponte Vella, rúa dos Pelamios e Camiño do Campo da Festa, afectado polas obras que executan Augas de Galicia, Concello e Deputación
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
