Ribadeo 6 de novembro de 2014.- O PP designou este xoves a Jesús López Penabad candidato á alcaldía de Ribadeo. Foi o presidente provincial, José Manuel Barreiro, acompañado do secretario xeral do PP de Lugo, José Manuel Balseiro, o encargado de facer pública a proclamación.
Nunha rolda de prensa celebrada esta tarde na sede local dos populares de Ribadeo, Barreiro insistiu en que Ribadeo precisa un cambio urxente e afirmou que Jesús López Penabad é a persoa axeitada e capaz para logralo.
O líder dos populares lucenses definiu ao alcaldable como un candidato transparente, claro, traballador, cercano e humilde e insistiu en que conta coas cualidades axeitadas para facer de Ribadeo unha cidade como se merece.
Pola súa banda, López Penabad manifestou a honra que representa para él a súa designación e a responsabilidade que recae na súa persoa como cabeza de lista para gañar Ribadeo e aplicar as políticas do PP “para levar o noso Concello pola senda emprendida do progreso e benestar”.
BIOGRAFÍA JESÚS LÓPEZ PENABAD
Natural de Ribadeo ten 43 anos. É Enxeñeiro Técnico Forestal pola Universidade de Santiago de Compostela (Campus Lugo) coa especialidade de Explotacións Forestais.
Afiliado ao Partido Popular desde 2004, foi concelleiro na corporación de Ribadeo durante o período 2007 a 2011 e actualmente preside o PP de Ribadeo.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
