O Burela FS Pescados Rubén vivirá este sábado, na 19ª xornada de Primeira División LNFS, unha pugna directa no ecuador da táboa coa visita á complicadísima pista do Peñíscola Bodegas Dunviro (pavillón municipal, 16.15 horas). “É un equipo que sobe bastante o seu rendemento na casa. Conseguiu impoñerse a Barcelona 3-2 e Inter 2-1, que só suman as derrotas entre eles e a de Peñíscola” advertía o adestrador laranxa, Juanlu Alonso.
Levantinos e mariñáns están empatados con 25 puntos, con novena e oitava prazas respectivamente; os 60 goles a favor, fronte aos 59 en contra, dálles unha lixeirísima vantaxe aos laranxas sobre os 58 a favor e 59 en contra dos locais desta semana. “É un rival directo e os tres puntos en xogo son moi importantes; quizais eles están un pouco máis obrigados a gañar ao xogar na casa pero para nós sacar tres puntos serían un golpe de efecto distancia en puntos e co golaverage ao noso favor” adiantaba Juanlu, que espera un encontro igualadísimo: “Os números na clasificación e o partido de ida, con 4-3 para nós, creo que serán un fiel reflexo do encontro; en condicións normais debería ser un partido apertadísimo” explicaba o técnico burelista. “É un cuadro novo, fisicamente moi intensa que leva os rivais ao límite”.
A expedición laranxa, que chegou esta mañá ao seu destino da 19ª xornada para adestrar ás 12.15 horas, dispoñerá de 11 xogadores na convocatoria. Non estará Isi, pendente de diagnóstico definitivo tras a lesión muscular que lle obrigou a retirarse o sábado ante Levante; Matamoros non poderá estar ao cento por cento, por un golpe no pé que lle impediu adestrar esta semana. Volverá Hélder, tras a súa participación con Galicia Sub-19 no Nacional de Barcelona.
Segundo a información facilitada polo Peñíscola, ás filas anfitrioas volve Asensio, lesionado os dous últimos partidos, e estará a nova fichaxe, Constantino ‘Kiki’ Vaporaki, incorporacións ás que se suman os xuvenís do CD Vinaròs FS.
Convocatoria Burela FS Pescados Rubén: 1. Edu, 3. Bellvert, 5. Iago Míguez, 9. Behroz, 10. Matamoros, 11.Chano, 13. Álex, 14. Miguel, 17. Carlitos, 23. Antoñito, 30 Hélder.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
