Ribadeo, 28 de xaneiro de 2015. #Ribadeoxqsí é o slogan da campaña de promoción turística que o Concello presentará este xoves en Madrid coincidindo coa Feira Internacional de Turismo.
Na Casa de Galicia terá lugar este acto a partir das 20.00 horas. Alí presentarase a páxina web de Turismo, o novo vídeo de promoción de Ribadeo e a campaña coa que Ribadeo se presenta vivo na rede #Ribadeoxqsí. Na quenda de intervencións tomarán a palabra o director da Casa de Galicia, José Ramón Ónega, o alcalde de Ribadeo, Fernando Suárez, a concelleira de Turismo, Ana Martínez, e o presidente de Acisa, Roberto Ramos. A continuación realizarase unha conexión con “embaixadores” ribadenses que se atopan en New Jersey, en Texas, en Uruguay, en Suiza e en Londres aos que saudarán os presentes na Casa de Galicia.
O acto estará aberto a todo o público que queira asistir a esta posta de largo de #Ribadeoxqsí, “ademais de a ribadenses que viven en Madrid, a empresarios vinculados con esta terra, a xornalistas, a amantes de Ribadeo”, explicaba Ana Martínez hai uns días. Os asistentes terán a oportunidade de participar nun photocall para despois compartilo nas redes sociais. Tres establecementos hostaleiros de Ribadeo: Casa Pepe, La Solana e O Cabazo, serán os encargados de ofrecer un pequeno cóctel aos asistentes no hall da Casa de Galicia. Ademais durante ese photocall os invitados poderán sacarse fotos posando con imaxes típicas de Ribadeo e que representen o Ribadeo natural, cultural, vivo e próximo.
Todas as persoas que o desexen poderán seguir en directo vía streaming este acto na seguinte dirección: http://tv.novamediastream.com/turismo-ribadeo/.
Xuntanzas de traballo en Fitur
A delegación do Concello de Ribadeo que se atopa en Fitur desde a mañá deste mércores estivo a manter xuntanzas con Iberia, Turkish Airlines e Españavisión para ofrecerlles Ribadeo como destino a visitar. Segundo a concelleira de Turismo “cos responsables de Españavisión, que xa teñen unha ruta por Asturias que chega ademais á praia das Catedrais, teremos unha xuntanza despois desta feira para falar da posibilidade de darlle maior empaque a esa visita ao areal ribadense. Con Iberia, cos responsables da zona norte, analizamos as posibles colaboracións a establecer para mellorar este destino para viaxes de incentivos e de congresos. Tamén falaremos nunhas semanas. E con Turkish Airlines, que coñecen a praia e gústalles moito segundo nos comentaron, falamos de volver reunirnos para ver a posibilidade de empregar a imaxe das Catedrais para a súa promoción nos vós que realizan entre Santiago-Bilbao-Estámbul e nos que realizarán a Portugal”. As xuntanzas de traballo continuarán mañá e o venres con outras empresas e touroperadores.
Ana Martínez asistiu tamén esta tarde á presentación do vídeo promocional da Mancomunidade de Municipios da Mariña.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será na Igrexa de Santa María ás 20:30 h. Debido ao aforo limitado e ao cumprimento da normativa vixente, editaranse entradas que se repartirán no acceso da igrexa o propio día do concerto, onde tamén se realizará o control de acceso.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
