Foz, 18 de febreiro de 2015.- O Concello de Foz contratará a 15 traballadores, concederá axudas a empresas para a creación de emprego e fará diversas obras grazas á modificación de crédito, por importe de 221.000 euros, acordada entre o goberno municipal do PP, o grupo de concelleiros non adscritos e o BNG.
O alcalde focense, Javier Jorge Castiñeira, anunciou hoxe que mañá, xoves, reunirase a comisión previa ao vindeiro pleno ordinario da corporación municipal “cun asunto verdadeiramente importante, que é unha transferencia de crédito de 221.000 euros, coa que o grupo de goberno trata de atender as peticións que fixo tanto o BNG como o grupo de concelleiros non adscritos, coa portavocía de Ramón Sixto, nas emendas que presentaron aos orzamentos para este ano que propuxo o grupo de goberno. Son os dous grupos que permitiron precisamente que saíran adiante estes orzamentos e que o Concello de Foz a día de hoxe teña uns presupostos adaptados para o ano 2015”.
O rexedor municipal destacou que “entre as transferencias que se van facer as máis importantes son unha de 140.000 euros para un plan de emprego directo, que dará traballo a 15 persoas cun tempo mínimo de contratación de 6 meses, co que se cubrirán varias prazas necesarias para o Concello, entre elas dúas para axuda no fogar durante 9 meses; tamén haberá prazas de xardineiros, de peóns de medio ambiente, dun mecánico e algunha tamén para administración. Realmente obedecen ás necesidades do Concello. Ademais destínanse outros 60.000 euros para axuda á contratación para empresas: un plan interesantísimo no que poderán participar empresas, que recibirán entre 1.000 e 1.500 euros, dependendo do tipo de contrato que sexa, ata un máximo de 60.000 euros que subvencionará o Concello”.
Javier Castiñeira engadiu que “tamén se atenden, cun investimento duns 20.000 euros, unhas obras que solicitaron os grupos da oposición: melloras na canceira, en parques infantís e na sinalización”.
O alcalde explicou que esta modificación de crédito “permítese porque hai un orzamento que foi aprobado no mes de decembro e estas partidas saen principalmente da amortización de préstamos que o Concello de Foz conseguiu deixalos a cero; son 152.200 euros que quedan libres e o resto, ata os 221.000 euros, son do fondo de continxencias, que queda cunha cantidade bastante boa para facer fronte sen problema a algunha continxencia que poida xurdir durante este ano”.
Castiñeira rematou comentando: “estamos contentos e agradecemos a dispoñibilidade do BNG e do grupo de non adscritos, mentres que por outro lado van os de sempre, tanto Unifoz como Xaime Cancio, que se manteñen sempre ao marxe dos asuntos importantes do Concello porque están pensando só en temas electorais, quédanse atrás e intentan dividir ao concello”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.