Lugo, 10 de marzo de 2015. O responsable de Cultura e Turismo da Deputación, o nacionalista Mario Outeiro, achegouse este martes ao Museo Provincial de Lugo para coñecer de primeira man os datos de visitantes que recibiu o centro lugués neste primeiro mes tralo regreso da colección de ourivería prerromana de Álvaro Gil. A directora do museo, Aurelia Balseiro, informouno de que a resposta dos lucenses e os visitantes a esta volta foi marabillosa, multiplicando o número de visitas do ano anterior.
“Cando se cumpre un mes do regreso da colección de ourivería de Álvaro Gil, é momento de facer balance do impacto que este regreso tivo para o Museo de Lugo e para Lugo en xeral. Un balance que non puido ser mellor porque se recibiron máis de 4.000 visitas, unha cifra moi superior ás 2.500 recibidas no mesmo período do ano pasado, o que vén significando un incremento do 60%”, explicou Mario Outeiro.
“O obxectivo é que ningún lucense se quede sen coñecer este tesouro”
En concreto, entre o 10 de febreiro, data do regreso da colección, e o 8 de marzo, foron 4.038 as visitas recibidas polo Museo Provincial de Lugo, mentres que o ano pasado, no mesmo período de tempo, pasaran pola galería da cidade amurallada 2.684 persoas. Tomando como referencia as 55.198 visitas totais que rexistrou o museo no ano 2014, as 2.684 do período entre o 10 de febreiro e o 8 de marzo significarían un 4,86% das totais, mentres que a porcentaxe acadada neste último mes elevaríase a un 7,31%.
Mario Outeiro felicitouse por estas cifras e sinalou que “consideramos que se comeza a cumprir o obxectivo de que non quede ningún lucense na provincia sen coñecer este valiosísimo tesouro, pois desde logo esta será a mellor ferramenta para proxectar esta colección e o seu museo de cara ao exterior”, afirmou.
Outras actuacións que lle engaden valor ao Museo Provincial
Xunto á volta da colección de ourivería prerromana, “un dos piares fundamentais do Museo Provincial”, Mario Outeiro tamén destacou outros feitos como a presenza do cadro de ‘A Magdalena en éxtase, copia do cadro de Caravaggio, “a restauración de varios mosaicos ou mesmo do ‘Cristo atado á columna’, obra que tamén veu estes días de volta logo de pasar por unha exposición en Barcelona”, destacou. O delegado provincial de Cultura manifestou que “todas elas son actuacións que lle engaden un atractivo maior ao museo”, salientou.
Finalmente, Outeiro lembrou que “a entrada ao museo e ao resto dos da Rede Museística Provincial de Lugo é gratuíta e ten un horario de apertura moi amplo comparado co resto de museos de Galiza”, concluíu.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
