15 de abril de 2015.- X Xornada da LNB NorLeste 2014/2015: “A Ceo aberto”, I Aberto de Billarda de Mosteiro (Pol). Foi o sábado 11 de abril. A xente que pasaba a carón da carballeira de Mosteiro, estranábase de ver unha carpa montada que paseniño se iba enchendo de vida. A xente chegaba e deixaba os bártulos aquí e acolá e arrímábanse a barra do pequeño bar para botarlle un grolo. Outros directamente se metían o choio e palán en man comenzaban a probar o estado do terreo.
Uns paisanos que por alí andaban, discurrían deste xeito:
– E lojo, seica adiantaron a festa do emigrante ou?
– Non qu’eu saiba!
– Daquela, toda isa xente…..
– Ahh…, ises son os da billarda.
– Os da billarda?
– Si hom, os da billarda! Ti non oiches falar da LNB?, pois hoxe teñen xornada de liga e veñen xogar a Mosteiro.
– Carapio!! Con tanta xente logo se facía unha malla!
E sin deixar de parolar, sentaron perto da carpa para non perder nin ripia de todo canto acontecía na carballeira.
Deu comezo pois o enfrontamento nunha fermosa e soleada tarde con sesenta palanadores loitando por ser os primeiros en meter a billarda no varal, tarefa non doada por mor da herba, e a grande afluencia de palanadores fixo que nesta ocasión a xornada se prolongase algo mais do normal.
Non se acadou ningún varado e rematou a xornada con tres plenos: Daniel e Franco de “Billardeiros Musicais” e Kiko de “O Cadaval” que se disputarían os tres primeiros postos. Nembargantes so xogaron o desempate os dous mariñans xa que Kiko tivo que se ausentar e quedou por tanto no terceiro posto.
Nas dúas carreiras que se xogaron, Daniel, xa superada a presión dos enfrontamentos directos para chegar a final, non deu opción o seu compañeiro e quedou primeiro do aberto.
En donas, Geni de “Billardeiros Musicais” sigue intratable, xa era matemáticamente campiona e confirmouno mais una vez.
Por equipos os “Billardeiros Musicais” volveron a superar aos seus perseguidores directos “O Cadaval” e recuperan dous dos cinco puntos perdidos na xornada anterior.
Uns artesanais trofeos e maís unas plantas de castaño foron os agasallos para os gañadores, entregados por Manu, representante de A. c. Polka Pol Kultura Aberta e seguidamente festa rachada con actuacións dos propios palanadores, gaitas, pandeiretas, pendeiros, música folk… e petiscos, moitos e variados petiscos que contribuiron a agromar o ambiente festeiro que preside cada aberto da LNB. Billarda sempre e Adiante co Varal!
A vindeira e derradeira enganchada da tempada en Remourelle o 9 de maio, pero antes temos a cita anual para a disputa do “Xerro do Salnés en Xil (Meaño), será o 25 deste mes de abril.
As clasificacións logo da décima xornada quedan así:
Individual: Markytos 89 p., Daniel 85 p., Kiko 75 p., Cortón e Franco 68 p.
Equipos: Billardeiros Musicais 332 p., O Cadaval 317 p., e Carabullo de Teixo 252 p.
Varados: Markytos 13, Charli 7, Daniel 5, Santi 4, Tonecho 3.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
