Lugo, 30 de abril de 2015.- O delegado de Cultura e Turismo da Deputación de Lugo, o nacionalista Mario Outeiro, presentou este xoves pola tarde a terceira proba da V Copa Deputación de Atletismo, que se celebrará o 9 de maio en Lugo. Estivo acompañado polo delegado técnico da Federación Galega de Atletismo en Lugo, Pablo Gandoy, así como por parte dos atletas que recibiron unha bolsa da Área de Deporte do organismo provincial durante o 2015 e os técnicos de varios clubs da provincia.
Aproveitando esta presentación, Mario Outeiro e Gandoy fixeron entrega duns trofeos e recordos a todos aqueles atletas lucenses que a pasada temporada participaron nos campionatos estatais das súas respectivas categorías e modalidades. “Cremos que o mínimo é darlles este recoñecemento, porque están levando o nome da nosa provincia por todo o Estado. Estamos moi orgullosos deles”, apuntou Outeiro.
Esta terceira proba será unha das dúas ao aire libre con que conta a competición, celebrándose o sábado 9 de maio no estadio Gregorio Pérez Rivera. Ao igual que nas dúas anteriores, está aberta á participación de calquera atleta galego individual federado,atletas de clubs pertencentes a Galiza, atletas con ficha da Federación Galega de Atletismo pero pertencentes a clubs doutras partes do Estado, e atletas non galegos ou estranxeiros convidados expresamente pola FGA, agás nas categorías benxamín, alevín e infantil, nas que só poderán participar nenos e nenas de clubs lucenses.
Marcas clasificatorias
Do mesmo xeito, as marcas que consigan os e as atletas participantes servirán de clasificatorias para competicións de carácter galego e estatal, polo que “a organización desta Copa dá a oportunidade aos atletas e ás atletas lucenses de obter marcas oficiais que lles permitan competir a nivel galego e estatal”, lembrou Mario Outeiro.
Outeiro tamén sinalou que esta competición, que abarca todas as categorías, permite fomentar e dar visibilidade ao deporte base e protagonismo ás futuras xeracións de atletas. Destacou ademais a importancia da organización desta competición que permite “a participación de cada vez máis atletas, e sobre todo mulleres, que superan xa en número aos participantes masculinos”, dixo.
A importancia de contar cun módulo cuberto
O módulo cuberto de atletismo das Pedreiras, onde se van disputar dúas das catro probas da Copa Deputación de Atletismo, foi construído co financiamento íntegro da Área de Deporte da Deputación de Lugo e era unha infraestrutura moi demandada na cidade, xa que permite o adestramento de xeito continuado dos atletas todo o ano, sen depender da climatoloxía. Ademais, conta coas dimensións necesarias para competicións oficiais, polo que as marcas obtidas son valedeiras como marcas persoais. Trátase da única instalación deste tipo que existe na provincia de Lugo e unha das poucas que hai en Galiza.
“O atletismo é un deporte con moita tradición na provincia de Lugo e que neste momento goza de moi boa saúde, xa que ten moitos practicantes, tanto a nivel afeccionado como a nivel competitivo. Desde a área de Deportes da Deputación queremos que siga sendo así, polo que seguiremos apoiando aos atletas e ás atletas lucenses, organizando competicións coma esta Copa Deputación e creando e mellorando instalacións que lles permitan adestrar e competir nas mellores condicións”, afirmou Mario Outeiro.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
