Continúan as mobilizacións no servizo de limpeza do Hospital da Costa logo de que a empresa manifestara a intención de artellar un novo calendario que ademais de tremendamente inxusto e de trato totalmente desigual entre as traballadoras, condea a catro persoas a ver reducida a súa xornada a un terzo da mesma.
As mobilizacións, que comezaron o pasado xoves 18, consisten polo de agora en concentracións diarias na entrada do hospital, na espera que os acontecementos determinen se se desconvocan ou se pola contra se dá un paso máis.
Paralelamente a estas mobilizacións dende a representación sindical estase por unha banda, preparando toda a documentación para emprender as accións legais pertinentes, e por outra banda xa se mantiveron reunións con Inspección de Traballo e coa Dirección do Hospital.
Tanto nunha como noutra reunión, logo de informar pormenorizadamente do contido e do desenrolo da infrutuosa negociación acadouse o compromiso de ambos órganos de que estarán especialmente vixiantes cando se concrete calquera cambio no servizo para que estes se axusten á lei e ao contrato entre Samyl, empresa concesionaria do servizo e o Sergas, respectivamente.
Na reunión coa Dirección do Hospital as representantes das traballadoras puxeron enriba da mesa, ademais, un calendario, anual, elaborado por elas mesmas que cumpre con todos os requisitos que debera ter un calendario anual e unhas xornadas de traballo, de forma que cumpre coa lei, sería rotativo e polo tanto xusto e igualitario, coas mesmas libranzas para todo o persoal e que por suposto non supón redución de xornada algunha. Ambas partes coincidiron en sinalar que ese documento sería, cando menos, un bo punto de partida para retomar as negociacións, algo que a dende a Dirección do Hospital convidaron a facer.
E por parte da representación das traballadoras non queremos deixar pasar a oportunidade de volver a tentar a abrir esa vía negociadora en base a esta nova proposta.
Para iso na mañá de onte, luns 22, enviouse un escrito á empresa onde se convidaba á mesma, a que en base a este novo documento puidésemos voltar a abrir a vía negociadora, estando abertos a aqueles axustes que sen desvirtuar totalmente o mesmo puidesen facer. Para retomar esas negociacións só se puxeron dúas condicións que entendemos son mínimas e lóxicas:a primeira deixar sen efecto legal a primeira negociación, que por ser un período de consultas oficialmente constituído xerou uns prazos administrativos de reclamación e a segunda desbotar radicalmente intención ningunha de acometer reducións de xornada.
Descoñecemos a postura de Samyl S.L, da empresa concesionaria a este ofrecemento pois polo de agora non recibimos resposta algunha. Á espera da mesma ou de calquera outro cambio na situación a plantilla vai seguir co calendario previsto de mobilizacións.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
