Cervo, 26 de xuño de 2015- A corporación municipal de Cervo celebrará este luns (20.00 horas) o primeiro pleno do novo mandato despois da sesión de constitución. Nel abordaranse temas organizativos do Concello o do pleno, como é o caso do reparto das áreas de goberno e as retribucións dos concelleiros.
A proposta do executivo é nomear ao alcalde, Alfonso Villares, como coordinador das diferentes delegacións, para o que contará cunha dedicación exclusiva e percibirá 39.841,20 euros ao ano. En canto aos edís, Manuela Martínez Álvarez será a responsable de Medio Ambiente, Emprego, Turismo e Sanidade, dispoñendo dunha dedicación parcial de 11.690,04 euros anuais.
Dolores García Caramés encargarase das áreas de Educación, Cultura, Xuventude e Facenda, cunha dedicación parcial de 11.690,04 euros. A delegación de Deportes, Protección Civil e Seguridade Cidadá será para José Ramón Soto Martínez, cunha dedicación parcial de 6.311,76 euros.
Por outra banda Plácido Pérez Otero ocuparase de Obras e Infraestruturas, e Medio Rural, mentres e Pilar Armada Carrete xestionará as áreas de Servizos Sociais e Igualdade, non dispoñendo ningún dos dous de dedicación.
Unha asignación de delegacións realizada tendo en conta a formación dos seus responsables ou a experiencia na xestión desas áreas en mandatos anteriores. Ademais, na agrupación de responsabilidades tívose en conta a relación entre as diferentes áreas, como é o caso do Medio Ambiente, o Turismo e o Emprego, “que para o goberno de Cervo sempre foron campos cun estreito vínculo entre si, polo que resulta moi efectivo que a súa xestión estea nas mans dunha mesma persoa, para traballar de xeito global e complementario” explica Villares. O mesmo ocorre con Educación, Cultura e Xuventude.
Gasto político conxelado
Nesta nova lexislatura mantense o mesmo número de dedicacións que na anterior, a exclusiva do alcalde máis tres parciais, atendendo á carga de traballo e ás áreas de cada concelleiro. Cabe destacar que o custo das dedicacións tampouco subirá neste mandato, manténdose o de hai catro anos. Desta maneira, o gasto total das 4 dedicacións será de 69.533,04 euros anuais.
De feito, no 2010 o goberno realizara unha baixada do salario do alcalde e doutras dedicacións que supuxo un aforro anual de 3.807,02 euros e, dende entón, o gasto total das retribucións quedou conxelado.
Xunta de Goberno
Un pleno no que tamén se designarán aos membros da Xunta de Goberno Local. Así, José Manuel Balseiro Orol será primeiro tenente de alcalde, Plácido Pérez será segundo e Pilar Armada terceira tenente de alcalde e, polo tanto, os compoñentes da XGL xunto ao rexedor.
Tamén se aprobarán as retribucións por asistencia a órganos colexiados, como á Xunta de Goberno (150 euros por sesión) e ao pleno (20 euros/sesión), manténdose os importes ao igual que no anterior mandato.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
