Ribadeo, 30 de xuño de 2015.- O Concello busca persoal para cubrir 2 prazas de informadores/guías turístic@s para a praia das Catedrais e tamén 4 socorristas. En total serán 7 @s informadores turístic@s os que traballen en Ribadeo nesta campaña e 17 socorristas. Por terceira vez o Concello convoca algunhas destas prazas, segundo explicou este martes pola mañá o alcalde, Fernando Suárez.
O rexedor dixo que “nestes días estamos poñendo a punto todo o sistema para preparar este verán intenso que se prevé, con moita xente que veña a Ribadeo a gozar das súas vacacións e o sector servizos tamén está totalmente preparado, de aí estes recoñecementos que tanto nos agradan, como o de Tripadvisor e Trivago e outros que está recibindo nos últimos tempos Ribadeo, que brilla con luz propia no mundo do turismo”.
Suárez Barcia sinalou que “tamén debemos advertir unha circunstancia que nos sorprende: é que non damos cuberto as prazas de informadores turísticos nin de socorristas. É a terceira vez que intentamos sacar convocatorias para cubrir os postos que aínda temos vacantes de guías turísticos e non damos cuberto esas prazas. Acabo de asinar unha terceira convocatoria, que xa está publicada na páxina web do Concello e que ten un prazo para presentar as solicitudes ata este vindeiro luns para dúas prazas a tempo completo durante dous meses neste verán para informadores turísticos. Evidentemente hai que ter coñecemento da realidade xeográfica e histórica de Ribadeo e tamén de idiomas, canto menos inglés”.
E engadiu que “logo tamén para socorristas remata o venres 3 de xullo unha nova convocatoria que fixemos porque para os 17 profesionais que queremos contratar aínda nos quedan prazas vacantes”.
O alcalde de Ribadeo anima “a todos, sobre todo a esta xente nova que ten capacidade máis que sobrada, a que veña intentalo porque os salarios están ben e realmente o traballo é digno, polo que pode atraer a moita xente, pero inexplicablemente as prazas seguen vacantes”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
