As Feiras e Festas das San Lucas de Mondoñedo, as máis antigas de Galicia, celebraranse entre os días 16 e 20 de outubro “cun programa que mestura tradición e modernidade”.
O presidente da Asociación As San Lucas, Miguel Souto, destaca a importancia das Feiras e Festas das San Lucas, que naceron no ano 1156, tras que o Rei Alfonso VII lle “outorgara a Mondoñedo o título de cidade e lle dispensara a graza de poder facer unha feira anual de oito días. E dende aquela a tradición segue pervivindo no século XXI”.
Souto engadiu que “As San Lucas celébranse porque tódolos visitantes e feirantes, que xunto cos mindonienses, seguen sendo fieis ás súas tradicións, e así o transmiten de xeración en xeración. Por iso, o que pretendemos dende a comisión de Feiras e Festas que presido, é que Mondoñedo o 18 de outubro volva a ser a capital que foi no Antigo Reino de Galicia, e queremos que as galegas e galegos se sintan orgullosos de ter unha das feiras máis antigas de Europa, que as desfruten e as sintan súas”.
Programación
O programa das festas deste ano comezará o venres 16 e finalizará o martes 20 de outubro. Jenaro Castro Muíña, licenciado en xornalismo, director dos informativos non diarios de Televisión Española e director e presentador do programa “Informe Semanal”, será o pregoeiro desta edición. E o mesmo día 16 de outubro, realizarase unha representación teatral na Praza da Catedral, con guión e dirección de Manuel Lourenzo, baixo o titulo de ‘As donas do ar’. Posteriormente, ofrecerase a ofrenda ante a tumba do Mariscal Pardo de Cela na Catedral de Mondoñedo. A música o venres 16 de outubro virá da man das orquestras Sintonía de Vigo e Orquestra da Televisión, na Alameda.
O sábado 17, coñecido como “Día das Vésperas”, comezará con actividades ecuestres, xa que o cabalo é o protagonista das San Lucas. O campo de feira acollerá a final da Copa Galicia do concurso morfolóxico de Pura Raza Cabalo Galego, Gran Premio Deputación de Lugo. Xa pola tarde, a partir das catro, terá lugar unha nova edición do “Encontro de Música e Baile Tradicional” co desfile das bandas polas rúas de Mondoñedo chegando á Praza da Catedral onde actuarán todos os grupos.
Igualmente, o sábado arredor das seis e media, agárdase a tradicional chegada dos cabalos polas rúas ata o Campo da Feira. Souto explica que “seguindo a tradición, os gandeiros xuntan os cabalos que estiveron todo o ano en liberdade pacendo nos montes da comarca, e nunha gran manada tráenos para a feira, como dicía Cunqueiro “A egua nai montada por un xinete, detrás os poldros fillos do vento coas greas ó ar”, que patean as pedras das rúas. Algunha seguro que é a mesma que pisaron os primeiros cabalos que pasaron en 1.156. Esta imaxe é un espectáculo etnográfico de relevancia e cada ano atrae a máis turistas e amosa unha das mellores estampas das San Lucas”.
Cara ás sete e media do serán, na Casa da Xuventude O Clube Teatral Elsinor presenta a obra “A xente pálida pel flores de Álvaro Cunqueiro”, baixo a dirección de Manuel Lourenzo. E a programación do día pecharase no auditorio Pascual Veiga co monólogo de Xabier Veigaa partir das nove e cuarto; mentres que as orquestras Miramar e Claxxon ofrecerán unha verbena na Alameda despois das dez e media da noite.
O domingo día 18, o día grande das San Lucas, “os cabalos son os auténticos protagonistas coa gran feira tradicional de gando cabalar. Hai un programa intenso de actividades no eido cabalar, concursos, exhibición de doma”, explica o presidente da asociación organizadora, quen engade que “o día grande é o día por excelencia, dos tratos, dos regateos, de sanluquear, dos cabalos, da maquinaria, das gaitas, do polbo, de subir ás atraccións, e faise todo cunha especial ledicia, porque as San Lucas son feira e son festa, son lugar de encontro. As San Lucas seguen mantendo a súa esencia, nelas mesturase tradición e modernidade, musicas tradicionais e actuais, teatro, monólogos, e seguen sendo útiles a todos, a feirantes e visitantes e cumprindo as expectativas e necesidades de ambos, como na súa orixe en 1.156”.
Este mesmo domingo 18 de outubro no auditorio municipal ofrecerán un concerto o grupo de rock Los Secretos. Neste caso, as entradas están á venda a través do seguinte enlace http://entradas.abanca.com. Cara ás nove do serán haberá outro concerto da man de Sés na Praza da Catedral con entrada de balde. As orquestras do día grande son Fania e Jerusalén.
O luns día 19, día do medio, haberá pola mañá pasarrúas de grupos de gaitas e títeres e, polo tarde, o concurso de andadura, nas modalidades de serrada e chapeada no recinto da Granxa. Nesta xornada tamén haberá teatro a partir das sete da tarde con “As Luces do Caselo” de Katarsis Teatro, no auditorio . Á noite, na Alameda, “temos algo moi especial, o festival ‘Voces da Paula’, unha gala musical feita por mindonienses na que intervirán cantantes amateurs e profesionais”, di Souto. As orquestras que actuarán na alameda son Palladium e Nova Generación.
O último día das festas é o martes 20, o “Día das Maulas”, no que actuará unha das mellores orquestras de Galicia, a París de Noia.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
