O Burela FS Pescados Rubén puxo rumbo este mércores a terras levantinas con escalada de posicións ata a sétima praza (18 puntos), empatado coa sexta do Santa Coloma. Alí medirase este venres ao implacable El Pozo Murcia; a cita poderá seguirse a través de www.gtmtelevision.es (21.00 horas).
Tras a importantísima vitoria do martes ante Levante (5-1), a desta tarde, ás 17.00 horas, será a única sesión de adestramento dos mariñáns antes do seu envite cos murcianos. “Sabemos que é un partido moi complicado, sen apenas tempo para preparalo. É un encontro no que a priori imos sufrir, ao que chegamos co cartel de perdedores, pero nós o que temos que facer é sacar corazón e perna e pelexar por facer un partido redondo para sacar algo positivo” adiantaba o técnico laranxa, Daniel Ibañes, en vésperas da 13ª xornada na casa de ElPozo, que ocupa a cuarta praza, con 21 puntos.
Quedaron na Mariña Mata, obrigado a retirarse o sábado pasado ante o Movistar por molestias no seu xeonllo esquerdo, e Hélder, por unha contusión ósea. As ausencias no vestiario de Duda, por lesión, serán José Ruiz e Dario Marinovic.
Convocatoria ElPozo Murcia FS: 5. Lolo Suazo, 7. Juampi, 8. Josema, 9. Bebe, 10. Álex, 11. Miguelín,12. Fabio, 14. Adri, 15. Rafa, 17. Raúl Campos, 26. Matteus, 33. Lima
Convocatoria CD Burela FS Pescados Rubén: 1. Edu, 5. Iago Míguez, 7. Isi, 9. Iago Rodríguez, 11. Chano, 13. Álex, 17. Carlitos, 18. Jorge Bellvert, 20. Chino, 23. Antoñito, 27. Renato.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
