Burela, 26 de novembro de 2015. O concelleiro de Turismo, Ramiro Fernández Rey, reuniuse co responsable da Área de Turismo da Deputación, Eduardo Vidal Baamonde, para expoñerlle os proxectos do Concello no plano turístico de cara ao 2016. A creación da web turística na que actualmente traballa o Concello, así como a necesidade de axuda para o mantemento do Barco Museo Reina del Carmen foron os principais asuntos abordados no encontro.
O edil socialista contou que “mantiven unha reunión en Lugo co deputado provincial de Turismo, onde lle expuxen todo o traballo que estamos a facer dende de Delegación de Turismo do Concello de Burela con respecto ao turismo de cara ao ano que vén. Expliqueille todos os proxectos que temos iniciados. En principio é para pedirlle un pouco de colaboración e a verdade é que veño satisfeito posto que vin que hai interese por parte da Deputación en axudarnos nos proxectos que temos iniciados”.
Ramiro Fernández Rey dixo que “principalmente falamos do tema da páxina web. Pareceulle boa idea e mostrou interese no proxecto. Ademais expliqueille que o Barco Museo ten un enorme custe tanto en material humano como en cartos para o Concello, e que necesitabamos axuda doutras institucións para mantelo nunhas condicións óptimas para facer as visitas. O deputado mostroume o seu interese e, de feito, díxome que xa coñecía o Barco Museo e amosouse moi sensible con este tema. Quedamos en volver xuntarnos cando haxa uns orzamentos da Deputación e comezar a falar xa máis concretamente das axudas que a Deputación lle pode conceder ao Concello de Burela para o mantemento do Barco Museo Reina del Carmen. É un símbolo para o turismo en Burela e dende esta Concellería e, polo visto, tamén da Deputación, hai moito interese en que siga funcionando nun estado óptimo para os vindeiros anos”.
O balance da reunión foi moi positivo, segundo o edil: “foi unha xuntanza que valoro moi positivamente. En principio a predisposición por parte do deputado provincial de Turismo é boa e entendo que o Barco Museo e os proxectos que temos para o turismo en Burela os veu con bos ollos e que imos ter a colaboración da Deputación, como non pode ser doutro xeito”.
Ademais, o concelleiro de Turismo indicou que no encontro “falamos tamén da información turística, de axudarnos a facer folletos informativos e entregueille un informe con todas as visitas que tivemos no Barco Museo e na Oficina de Turismo, así como os obxectivos que nos marcamos para intentar incrementar as visitas que temos en Burela aproveitando os nosos recursos e os que temos arredor co obxectivo de mellorar ocupación hoteleira e a actividade económica en Burela”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
