O Burela FS Pescados Rubén regresa esta noite da festa irmadiña en Poio con outros tres puntos e un axustado marcador de 4-5, resultado que nada facía presaxiar ao descanso da cita, con renda de 0-4 para as laranxas.
Pouco tardaron as mariñás en poñer de cara a cita, con dobre diana xa no minuto 6, primeiro da ex do Poio, Ceci, asistida desde a banda, e despois con Dany, tras contra iniciada por Bea Mateos. Superado o ecuador da primeira parte, as de Lucas subiron o 0-3, cunha xogada entre Peque e Maite que introduciu finalmente a defensa pontevedresa. Na recta final antes do descanso, Lara rubricou o 0-4 desde fóra do área, nunha recuperación.
No segundo período, as locais puideron recortar distancias. Jessi, no minuto 29, abriu a lata desde os dez metros. O tanto de Charo, no 36, mitigouse por unha nova aparición de Dany segundos despois. No último minuto, Yoli atopou a meta de Andrea por partida dobre, co definitivo 4-5.
Ficha técnica
Poio Pescamar FSF: Irene, Jenny, Charo, Jessy e Yoli (quinteto inicial). Tamén xogaron Claudia, Moldes, Pipi, Suki, Ale e Elena.
CD Burela FS Peixes Rubén: Andrea, Dany, Peque , Bea Mateos, Ceci (quinteto inicial). Tamén xogaron Claudia, Lara, Maite
Goles: 0-1, min. 6 Ceci; 0-2, min. 6 Dany; 0-3, min. 12 Ale de Paz (propia porta); 0-4, min. 19 Lara; 1-4, min. 29 Jessy; 2-4, min. 36 Charo; 2-5, min. 36 Dany; 3-5, min. 39 Yoli; 4-5, min. 39 Yoli
Árbitros: Castro Nantes e González Lubián do colexio galego. Amoestaron con cartulina amarela a Lara no Burela.
Incidencias: Partido correspondente á 19ª xornada de Primeira RFEF disputado no pavillón da Seca de Poio.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
