CERVO .- “Crece a indignación dos veciños das parroquias cervenses de Rúa e San Román polo lamentable estado no que se atopa a principal estrada de comunicación co veciño municipio de Burela”, aseguran dende o Concello de Cervo onde se fan “eco desta situación, unha vez máis, despois de que nos últimos días estean a agudizarse as chamadas de veciños”.
NOTA DE PRENSA
Nin para o Concello nin para os veciños destas parroquias, que están a agudizar as súas queixas, son aceptables as escusas da Deputación que xustifican o mal estado da vía en que atopa en fase de obras.
CERVO FAISE ECO DA CRECENTE INDIGNACIÓN DOS VECIÑOS DE SAN ROMÁN E RÚA POLO LAMENTABLE ESTADO DA VIA QUE UNE ESTAS PARROQUIAS CO VECIÑO MUNICIPIO DE BURELA
* Os veciños temen que se repita o acontecido o pasado inverno, co tramo entre Rúa a San Román que permaneceu no esquecemento por parte do organismo provincial durante meses, porque a Deputación non asumía o asfaltado definitivo.
* O Goberno municipal considera unha falta de respecto institucional que pese a que teñen constancia da visita de técnicos da Deputación ás obras estes non se teñan posto en contacto con responsables municipais para verificar as deficiencias denunciadas, entre elas preocupa dun xeito especial o desnivel que quedaría nos puntos de conexión entre a estrada provincial e as locais, o que os converte en practicamente inaccesibles para os vehículos.
* As abundantes choivas dos últimos días e o vento fan intransitable gran parte dos treitos desta estrada que se atopan en terra, chea de fochancas e charcos, que aumentan o seu risco para os seus usuarios.
Cervo, 14 de novembro de 2009.- Crece a indignación dos veciños das parroquias cervenses de Rúa e San Román polo lamentable estado no que se atopa a principal estrada de comunicación co veciño municipio de Burela. O Concello de Cervo quixo facerse eco desta situación, unha vez máis, despois de que nos últimos días estean a agudizarse as chamadas de veciños para dar conta das súas queixas e da grande preocupación que supón o feito de que coas intensas choivas e o forte vento rexistrado nos últimos días esta vía estea a converterse nun espazo practicamente intransitable, o que acrecenta o risco para os seus usuarios e viandantes, e contribúe a illar a aqueles que teñen a súa vivenda na zona afectada polas obras.
TEMEN QUE SE REPITA A SITUACIÓN DO PASADO INVERNO
Responsables do Goberno municipal e veciños temen que se repita o acontecido o pasado inverno, cando unhas obras similares no tramo desta mesma estrada entre Rúa a San Román permaneceu no esquecemento por parte do organismo provincial durante meses, porque a Deputación non asumía o asfaltado definitivo. Tivo que ser o Concello quen, con medios da súa titularidade e con carácter de urxencia, procedera ao rebacheo da estrada e a eliminar as múltiples fochancas que convertían esta vía en pouco máis ca un camiño de carros.
DESNIVEIS COAS ESTRADAS LOCAIS
Outra das demandas que o Goberno municipal trasladou á Deputación foi a necesidade de que unha vez finalizadas as obras o organismo provincial garanta a accesibilidade entre esta vía e as estradas locais. Na actualidade os puntos de conexión entre elas presentan un gran desnivel, con enormes pendentes de subida ou baixada que poderían non ser accesibles con vehículos. O Concello entende como unha falta de respecto institucional que unha vez trasladadas estas deficiencias e pese a que consta a visita de varios técnicos da Deputación ás obras nos últimos días, estes non se teñan posto en contacto nin cos responsables municipais nin co persoal da Oficina Técnica Local para comprobar in situ a situación das obras e as deficiencias denunciadas e que forman parte das queixas continuas dos veciños destas parroquias.
NON CONVENCEN AS ESCUSAS DA DIPUTACIÓN
Nin o Goberno municipal nin os veciños consideran aceptables nin razoables as escusas feitas públicas pola Deputación provincial quen xustificou o estado actual da vía de titularidade provincial en que esta se atopa en obras. Ambos coinciden en que a pesares de que os traballos para a mellora desta vía poidan prolongarse no tempo, e non acometan o asfaltado definitivo do treito, nada xustifica que a estrada non cumpra as mínimas condicións de seguridade para os vehículos e as persoas que fan uso dela, e moito menos que a lamentable condición actual faga desta estrada un espazo intransitable.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
