NOTA DE PRENSA
Veiga pide unidade na Mariña para esixir fondos que axilicen as obras da VAC
O BNG propón en Madrid o remate do tramo Barreiros-San Cibrao no 2013
O Bloque Nacionalista Galego rexistrou o pasado 3 de Novembro unha proposición non de lei no Congreso dos Deputados no que solicita que o pleno da cámara inste ao Goberno do Estado a que procedan a acordar coa Xunta de Galiza un cronograma con prazos e consignacións orzamentarias suficientes que permitan rematar a Vía de Alta Capacidade Barreiros – Ferrol no horizonte de 2013.
A proposta dos nacionalistas que é coherente con outra presentada na mesma dirección no Parlamento Galego, dálle continuidade a unha anterior presentada o pasado 5 de Outubro no que se demandaba do Ministerio de Fomento a que impulse e axilice a construción da Autovía Barreiros – San Cibrao, fixando prazos para a execución da obra e dotando a mesma da consignación orzamentaria precisa.
O Responsábel Comarcal do BNG denunciou que o que está a acontecer con este vial representa unha auténtica tomadura de pelo para os veciños da Comarca na medida que estamos diante dunha obra que tiña que estar comezada no 2002 e rematada no 2007. “Mesmamente, recalcou Veiga, a propia ministra de Fomento tras unha reunión mantida con varios Alcaldes da Mariña no Outono de 2004 comprometíase a que esta obra ia estar rematada en 2008, tal como viña de acordar a Comisión de Infraestruturas de Fomento”.
“Non se trata de mirar para atrás senón de buscar unha solución que axilice esta obra e que evite que A Mariña quede á cola do Estado no referido ao desenvolvemento viario, pero é de traca que o PP bote peito cos incumprimentos do Estado ao respecto. O Goberno de Aznar que era a quen lle correspondía iniciar as obras e elaborar o estudo informativo non destinou un só euro a esta actuación ate Abril de 2004, cando xa era un Goberno en funcións”, afirmou o Portavoz Nacionalista.
Veiga pide a convocatoria da Mesa de Infraestructuras da Mariña
O Bloque Nacionalista Galego demanda un grande acordo do conxunto das forzas sociais e políticas da Mariña a fin de garantir que esta obra se remate no horizonte de 2014 e nese sentido é preciso recobrar a unidade de acción. “É necesario que nos poñamos de acordo as forzas sociais e políticas da Mariña no seo da Mesa das Infraestruturas e que posteriormente traslademos estes acordos tanto a Cámara Galega como á do Estado” afirmou Veiga, que urxiu a convocatoria da Mesa das Infraestruturas. “A Mariña non pode agardar máis por este vial, e é necesario que a sociedade da Comarca e particularmente os seus representantes políticos se poñan a altura da situación”, rematou Veiga.
“Os nacionalistas non imos facer partidismo cunha actuación na que a Mariña se xoga tanto, nin tampouco permitir que se utilice a VAC Barreiros – Ferrol como arma arroxadiza na area partidaria. Iso si, demandamos compromisos claros para rectificar o curso desta actuación”, rematou Veiga
A ‘Vía de Alta Capacidade do Litoral (tramo Barreiros-San Cibrao)’, a executar polo Ministerio de Fomento, coa forma de autovía, ven ser un tramo de 30 Km que percorre os Concellos de Barreiros, Foz, Burela e Cervo a executar no período 2001-2007. A esta altura a Administración do Estado, a pesar dos acordos parlamentarios que falaban do seu remate no horizonte de 2008, só ten executado un estudo informativo do trazado xa sometido ao tramite de exposición pública. Non deixa de ser curioso que nos Orzamentos Xerais do Estado se teñan recollido partidas de carácter testemuñal para esta actuación desde 2004, non procedéndose a súa execución na case totalidade das anualidades Orzamentarias
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
