30 de setembro de 2016. A Dirección Xeral de Tráfico (DXT) poñerá en marcha desde o vindeiro luns día 3 de outubro unha nova campaña especial de vixilancia nas estradas convencionais da comunidade galega. Durante toda a semana, ata o domingo día 9, incrementaranse os controis neste tipo de vías.
Segundo os datos estatísticos da DXT, catro son os factores que máis inciden nos accidentes: o exceso de velocidade, o consumo de alcol e drogas, non usar o cinto de seguridade e as distraccións. Nese sentido, os axentes da Agrupación de Tráfico da Garda Civil vixiarán que se circule á velocidade adecuada, controlarán os adiantamentos indebidos, a inxesta de alcol ou drogas, o uso de casco e sistemas de retención, a utilización do teléfono móbil ou de calquera outro elemento que poida distraer durante a condución e, en xeral, calquera infracción da normativa vixente en materia de circulación viaria.
A campaña estará coordinada polas xefaturas provinciais de tráfico e os xefes dos subsectores da Garda Civil nas catro provincias e, sempre que sexa posible, advertirase aos condutores da existencia próxima de controis.
Desde a Delegación do Goberno en Galicia lémbrase que un dos obxectivos prioritarios na estratexia da DXT para o período 2011-2020 é o de lograr comportamentos máis seguros nas estradas convencionais.
A importancia desta campaña represéntase nas cifras que analiza a DXT en relación á sinistralidade viaria. Así, máis do 88% dos accidentes mortais rexistrados nas estradas galegas no que vai de ano producíronse neste tipo de vías.
CAMPAÑA ANTERIOR EN GALICIA
Como resultado da última campaña específica de vixilancia en vías convencionais en Galicia, desenvolvida desde o 19 ata o 25 de outubro de 2015, controláronse 75.058 vehículos e resultaron denunciados 2.911 condutores.
Entre as denuncias que máis incidencia tiveron para a seguridade viaria destaca o exceso de velocidade (con 1.593 denuncias, case o 55% das totais) seguido pola ausencia de cinto de seguridade e doutros sistemas de retención (con 190 denuncias, máis do 6% do total), por insuficiencias técnicas do vehículo (171, preto do 6%), por consumo excesivo de alcol (144 denuncias, case o 5%) e por usar do teléfono móbil (138 denuncias, máis do 4% do total).
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
