Todos sabemos que non temos o coñecemento absoluto dun tema, nin estamos en posesión da verdade absoluta nunha disputa. Tamén sabemos que en certos temas hai persoas que son autenticas autoridades, a pesares das súas limitacións.
Tendo en conta o anterior podemos considerar que o debate é positivo para mellorar o coñecemento sobre calquera tema. E desta maneira vemos que científicos, médicos, mestres, xuíces, adestradores deportivos, etc reúnense, debaten, comparten experiencias e ideas co fin de mellorar o seu coñecemento do tema que se trate.
Tamén, cando queremos afondar no coñecemento de algo do que non sabemos o suficiente, acudimos a unha persoa que saiba do tema e que nos poda aclarar as dubidas.
Pois ben, na política, calquera dos dous supostos anteriores: o debate ou a consulta a un experto, debería ser desexable e positivo.
Pero a realidade e moi diferente. Os políticos apenas consultan a ningún experto de calquera tema e actúan como si souberan de todo. Cando os oímos falar, vemos como opinan de todo con unha enorme lixeireza, e así saben de economía, de saúde, de terrorismo, de cultura, etc.
Raro que actuando así moitas veces meten a pata, teñen que tragar as palabras e mesmo pedir desculpas.
En canto ao debate, os políticos non o fan como un intercambio de ideas e opinións tratando de chegar a acordos, a afondar no coñecemento do tema que se trate nin de buscar a mellor solución para o problema en cuestión.
No debate máis que tratar de impoñer as súas ideas pola bondade das mesmas, tratan de impoñer as súas ideas, descualificando as do adversario e tratando de facer ver que si se levan a diante as propostas do outro serán un fracaso. Algo así como o de ser o torto no pais dos cegos.
Esta forma de actuar fai que en ocasións se falten ao respecto entre eles e de este xeito aumente a crispación na vida política.
Esta crispación conleva que os cidadáns se desencanten e sintan pouco apego pola política en xeral e por os políticos en particular, e mesmamente que desconfíen deles.
Eu non sei por que os políticos actúan deste xeito nos debates, seguramente o fan así, ou ben por que dubidan de que os cidadáns entendamos as súas propostas, ou ben por que carecen das mesmas e resúltalles mais fácil descualificar a do adversario político.
Eu animaríaos a defender a súas ideas no debate político e a consultar os expertos nos temas que non coñezan, pois estou seguro que os cidadáns saberemos entendelos e valoralos, dado que a sociedade española e mais entendida do que eles pensan.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
