Burela, 22 de novembro de 2016. O alcalde, Alfredo Llano, asinou este martes un convenio co presidente da Deputación de Lugo, Darío Campos, en materia de eficiencia enerxética para proceder á mellora da iluminación pública exterior das instalacións municipais. A achega da institución provincial ascende a 16.000 euros.
O rexedor contou que “achegueime á Deputación para asinar un convenio de colaboración entre o organismo provincial e o Concello de Burela para unha actuación de eficiencia enerxética, concretamente para a instalación de iluminación pública exterior nas instalacións municipais. Trátase de que cando as luminarias están obsoletas ou ocasionan moito consumo eléctrico hai que substituílas por outras moito máis eficaces e que cumpran o cometido de aforrar consumo de enerxía”.
Alfredo Llano dixo: “parécenos moi importante este convenio, que contempla unha axuda económica de 16.000 euros para levar adiante este proxecto que se acometerá no centro da localidade. Nunha das zonas nas que se actuará será no exterior da praza de abastos. Alí hai unha luminarias que están xa moi obsoletas e vamos substituílas por outras con tecnoloxía LED case seguro”.
Para o alcalde burelés estamos diante de “boas noticias, porque contribúen a dar estética e eficacia enerxética ao pobo e ademais aforrar bastantes cartos ao longo do ano. Isto é o que se pretende e se consegue con estas actuacións. Polo tanto estamos satisfeitos por ter firmado este convenio, que penso que vai dar bo resultado e vamos tratar de acometelo xa antes de que finalice este ano”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.