Unha comitiva formada por 20 representantes do sector pesqueiro de Galicia estivo estes días en Bruxelas co fin de coñecer máis de cerca a realidade das institucións europeas e o seu papel no deseño da Política Pesqueira Común da Unión Europea. Coa colaboración da Fundación Galicia Europa, os membros da comitiva tiveron a oportunidade de asistir a diversas reunións con expertos en materia pesqueira e intercambiar opinións sobre os retos que afronta o sector tanto a nivel galego coma europeo.
A delegación acudiu esta mañá ao Comité Europeo das Rexións (CdR), onde foron recibidos polo director xeral de Relacións Exteriores e coa UE, Jesús Gamallo, quen expuxo o papel desta asemblea de representantes locais e rexionais na UE e, concretamente, da súa comisión de Recursos Naturais (NAT) encargada dos temas de pesca. Gamallo explicou o labor que desempeña a Xunta nesta asemblea para defender a importancia socioeconómica da pesca. Así, aludiu aos dous ditames de opinión que el mesmo liderou sobre o potencial do sector da acuicultura en toda a UE e ao ditame sobre o futuro regulamento de conservación de recursos pesqueiros con medidas técnicas que vai ser aprobado hoxe na sesión plenaria do CdR. Galicia contribuíu amplamente a este ditame no seo da NAT trasladando a posición do Consello Galego de Pesca sobre este importante acto lexislativo que pretende simplificar as medidas técnicas destinadas ao sector pesqueiro.
Os actores europeos no sector pesqueiro
Durante a xornada de onte o grupo de representantes acudiu á sede da Fundación Galicia Europa (FGE) en Bruxelas, onde asistiron a unha mesa redonda sobre a defensa dos intereses pesqueiros no proceso europeo de toma de decisións organizada con motivo da súa visita. O debate contou coas intervencións de representantes da propia FGE, a Consellería do Mar, a asociación europea das organizacións nacionais de empresas pesqueiras da Unión Europea (EUROPECHE) e as dos conselleiros de Pesca da Representación Permanente de España ante a UE. Deste modo, o sector pesqueiro galego puido ter unha completa visión dos distintos actores que están a traballar en Bruxelas no eido pesqueiro, complementando as visitas do luns ao Parlamento Europeo e á Comisión Europea.
Na Eurocámara, tiveron a oportunidade de asistir a unha reunión da Comisión de Pesca, ademais de recibir información sobre o traballo desta institución colexislativa da man de varios eurodeputados activos no eido da pesca. Na Dirección Xeral de Asuntos Marítimos e Pesca da Comisión Europea (DG MARE), explicáronlles os expedientes en curso e foron recibidos polo seu máximo responsable, Joao Aguiar Machado.
Visita ao porto pesqueiro de Bruxas
Onte pola mañá, a delegación visitou o porto pesqueiro de Zeebrugge, no Mar do Norte, onde foi acollida por membros da lonxa e a confraría de pescadores. Coa axuda da Cámara Oficial de Comercio de España en Bélxica, a delegación galega puido compartir experiencias e puntos de vista cos flamencos e comprobar que, malia a gran diferencia de tamaño das súas flotas, enfróntanse a problemas similares.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.