NOTA DE PRENSA
CARGOS ORGÁNICOS E INSTITUCIONAIS DO BNG DA MARIÑA E FERROLTERRA CONCENTRARANSE NA PONTE DO BARQUEIRO PARA ESIXIR A AXILIZACIÓN DAS OBRAS DO CORREDOR DA COSTA
Veiga agarda que o PP actúe con coherencia e apoie as emendas presentadas no Parlamento Galego ao igual que fixeron na Deputación de Lugo
A Mariña, 26 de novembro de 2009. O BNG da Mariña e Ferrolterra convocou aos seus cargos orgánicos e institucionais a unha concentración que terá lugar na ponte vella do Barqueiro que une as provincias de Lugo e A Coruña o vindeiro sábado á 11.30 da mañá. Os nacionalistas reclaman a unidade das forzas políticas e sociais do norte galego para esixir ás administracións competentes o remate do vial Barreiros-Ferrol no 2014.
Os acordos institucionais son papel mollado segundo a alternancia nos gobernos dos dous partidos de ámbito estatal.
O Portavoz comarcal do BNG na Mariña, Antonio Veiga, denunciou unha vez mais os incumprimentos das administracións responsábeis da execución de esta obra dende o ano 2001 no que a Xunta de Galiza e o goberno do Estado se comprometeran a rematala no 2007, repartindo a execución da obra en dous tramos, dende Barreiros a San Cibrao de competencia estatal e o tramo seguinte até Ferrol responsabilidade da Xunta. Veiga lembrou as múltiples iniciativas aprobadas tanto no Parlamento Galego como na Comisión de Infraestruturas do Ministerio de Fomento “que sempre se converteron en papel mollado para os partidos políticos que tiveron responsabilidades de goberno alternativamente”, mesmamente a anterior Ministra de Fomento chegou a comprometerse con alcaldes da comarca a dar cumprimento a un acordo da Comisión de Infraestruturas do Ministerio que fixaba como data limite no tramo de competencia estatal en 2008”
O BNG pide unidade nas forzas sociais e políticas para rematar a VAC da costa no 2014
Veiga sinalou que xa está ben de enganar aos mariñáns ”por moitos acordos e iniciativas que se aproben a obra non vai ser posíbel mentres non haxa unidade reivindicativa das forzas políticas e sociais da comarca, nesto non caben divisións nin partidismos estériles” aproveitando para reclamar a convocatoria por parte de quen lle compete da mesa de Infraestruturas da Mariña.
O Bloque Nacionalista Galego demanda un grande acordo do conxunto das forzas sociais e políticas da Mariña a fin de garantir que esta obra se remate no horizonte de 2014 e nese sentido é preciso recobrar a unidade de acción. “É necesario que nos poñamos de acordo as forzas sociais e políticas da Mariña no seo da Mesa das Infraestruturas e que posteriormente traslademos estes acordos tanto a Cámara Galega como á do Estado” afirmou Veiga, que urxiu unha vez mais a convocatoria da Mesa das Infraestruturas. “A Mariña non pode agardar máis por este vial, e é necesario que a sociedade da Comarca e particularmente os seus representantes políticos se poñan a altura da situación”, rematou Veiga.
Os votos dos dous parlamentares populares son suficientes para evitar o esquecemento do goberno galego con esta infraestrutura.
Na mesma liña, o portavoz nacionalista, reclamou ao Partido Popular mais coherencia e menos demagoxia, advertindo que si se aproban as mocións nos plenos municipais e na Deputación, deberán facer o mesmo no debate das emendas que reclaman maior investimento para este vial nos orzamentos 2010 da Xunta de Galiza, que sufriron un recorte do 75% en relación ás previsións do anterior goberno galego, “cos votos favorábeis dos dous parlamentares populares da comarca será suficiente para adiantar o remate da obra no tramo estatal”
O BNG animou á sociedade mariñá a mobilizarse por unha infraestrutura vital para o desenvolvemento da comarca mariñá e ao mesmo tempo convidou aos alcaldes que fai un ano se manifestaban no Vicedo a facer o mesmo cando o actual Conselleiro de Infraestruturas retrasa o remate da obra en cinco anos en relación ás previsións do goberno anterior. Antonio Veiga lembrou que ao BNG non lle pode reprochar ninguén a súa actitude combativa con este vial, “ levamos moitos anos tocando o mesmo compás e vendo como outros cambiaban o ritmo en función de como lles foran as cousas en Madrid ou en Santiago”
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
