Lugo, 11 de decembro de 2016.- A secretaria xeral da Igualdade, Susana López Abella, e o delegado territorial da Xunta de Galicia en Lugo, José Manuel Balseiro, ofreceron esta mañá unha rolda de prensa para dar a coñecer as axudas e subvencións que os concellos lucenses recibirán para promoción da igualdade.
Máis en particular explicaron que o Goberno galego destina aos distintos eixes de actuación na nosa provincia un total de 539.930,75 euros, distribuídos entre o programa de fomento da conciliación e os apoios aos centros de información a mulleres –os CIMs-
Con estas axudas a Secretaría Xeral da Igualdade pretende por en valor o papel relevante das entidades locais na difusión do valor da igualdade e transmitir a colaboración existente neste importantísimo eido entre a Administración autonómica e a Administración local.
De feito López Abella indicou que “non é casualidade que sexan os concellos os que centran estes apoios autonómicos porque ao tratarse das administracións máis próximas á cidadanía, son tamén as mellores coñecedoras da situación das súas veciñas e veciños e poden desenvolver dun xeito máis eficaz as distintas políticas de igualdade”.
Trinta e cinco municipios beneficiados e once CIMs
No que respecta ao programa de apoio aos centros de información a muller serán trinta e cinco os municipios lucenses beneficiarios das axudas da Xunta que lles permitirán reforzar as funcións que executan os once CIMs existentes, así cómo consolidar os postos e o perfil profesional das persoas que prestan servizos neles.
A este fin a Xunta destina 474.433,75 euros, outorgando maior intensidade a aqueles concellos que colaboran entre si a través do sistema de xestión compartida. De feito, a xestión conxunta permite atender a máis territorios e a máis potenciais usuarias.
En particular as axudas distribuíronse do seguinte xeito:
•Concello de Palas de Rei con Antas de Ulla, Guntín e Portomarín: 78.041,66 euros
•Concello de Burela con Alfoz e O Valadouro: 70.552,87 euros
•Concello de Sarria con Láncara, O Páramo, Paradela e Samos: 56.000,00 euros
•Concello de Lugo: 45.000,00 euros
•Concello de Monforte de Lemos con Bóveda, Pantón, A Pobra de Brollón, O Saviñao e Sober: 43.042,44
euros
•Concello de Chantada con Carballedo e Taboada: 41.205,34 euros
•Concello de Viveiro: 35.000,00 euros
•Concello de Ribadeo con Barreiros, A Pontenova e Trabada: 30.683,60 euros
•Concello de Mondoñedo con Abadín, Lourenzá, A Pastoriza e Riotorto: 28.284,06 euros
•Concello de Quiroga con Ribas de Sil: 23.981,88 euros
•Concello de Vilalba: 22.641,90 euros
Isto supón que nos once centros de información á muller operativos participan 35 concellos, 32 deles unidos con xestión compartida fronte a 3 con xestión individualizada.
Nove concellos promoverán programas de fomento da conciliación
Por último, no que respecta á liña de axudas para programas de fomento da conciliación esta engloba as medidas que os concellos adopten coa finalidade de facilitar a conciliación da vida persoal, familiar e laboral das persoas traballadoras, como por exemplo os bancos de tempo.
Na provincia lucense, que é galega que máis recibe neste concepto, serán nove os concellos beneficiarios, por un importe total de 65.497 euros que se distribuíron do seguinte xeito
•Concello de O Valadouro:12.000 euros
•Concello de Outeiro de Rei: 12.000 euros
•Concello de Xove: 10.471 euros
•Concello de Alfoz: 8.400euros
•Concello de Palas de Rei: 7.450,13euros
•Concello de Guitiriz: 6.699,87euros
•Concello de Taboada: 3.649,70euros
•Concello de Mondoñedo: 2.772 euros
•Concello de Ourol: 2.054,05euros
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
