BURELA (FNC) .- O Concello cederá a xestión da Banda de Música á asociación Amigas e Amigos da Banda de Burela. Será a través dun convenio que se aprobará no pleno do vindeiro 23 de decembro.
A concelleira de Educación, Lucía Bouza, contou que “creamos unha proposta de convenio de colaboración entre o Concello e a recentemente creada asociación Amigas e Amigos da Banda de Burela, que nace co obxectivo de promocionar a Banda e vaise presentar para a súa aprobación no pleno do vindeiro 23 de decembro ás 10 da mañá”.
“Dende o equipo de goberno pensamos que este convenio vai favorecer moito a promoción da Banda de Burela, posto que o Concello vai delegar a xestión nesa asociación e continuará colaborando cos gastos que a Banda xera. O Concello comprométese a seguir financiando o posto de director e a levar a cabo o proceso de contratación cando sexa oportuno a condición de que o director ou directora da Banda será sempre o responsable da organización das actividades docentes e a dirección artística”, seguiu a relatar a edil socialista.
Lucía Bouza explicou que “o Concello aportará anualmente a cantidade de 6.000 euros que era o que viña gastando máis ou menos na Banda de Música, pero agora esta asociación poderá solicitar outro tipo de axudas que veñen da Consellería de Cultura ou da Deputación de Lugo e por suposto poderá solicitar financiación privada, algo que antes non se podía facer. Esto significa que a Banda verá incrementados os seus ingresos e o funcionamento vai ser mellor”.
A concelleira de Educación contou que “a Banda de Música tamén adquire unha serie de compromisos co Concello, xa que con carácter fixo ten que corresponderlle cunha serie de actuacións cada ano natural. En total serán cinco, de carácter obrigatorio serán as actuacións do concerto de aninovo, a procesión e o concerto das festas patronais. A parte destas o Concello vai dispor doutras tres actuacións que se fixarán de común acordo. Os membros da Banda disporán de matrícula gratuíta na Escola Municipal de Música de Burela e a asociación de Amigas e Amigos da Banda, unha vez que o convenio estea aprobado, vaise responsabilizar dos contratos con diferentes entidades e institucións para os concertos e tamén da xestión económica da Banda. O convenio terá carácter anual, e poderá darselle continuidade sempre que exista acordo entre as partes”.
No equipo de goberno “pensamos que será moi beneficioso para a Banda, funcionará de mellor maneira e eso é o que nos interesa”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
