BURELA, 8 de setembro de 2017.- O grupo municipal do PP de Burela anuncia que a consellería de Política Social da Xunta de Galicia vén de incrementar o número de horas de axuda no fogar na modalidade de dependencia para este Concello. Así, dende o día 1 deste mes, Burela contará con 444 horas máis cada mes para a indicada modalidade de axuda no fogar. “Sen dúbida, é unha magnífica noticia”, destacan.
Isto supón que o Concello sumará un total de 2.518 horas ao mes, prestando ao ano 30.216 horas de atención no fogar a persoas dependentes. Este incremento permitirá atender a todas as persoas en lista de agarda e a outras que están pendentes de resolución do programa individual de atención correspondente.
Este reforzo de horas por parte da Xunta de Galicia permitirá chegar a máis de 60 persoas veciñas de Burela, acadando un maior nivel de benestar para todas as persoas dependentes que teñen concedido o recurso de axuda no fogar. Ao mesmo tempo, tamén suporá un incremento na xornada para as traballadoras que levan a cabo estes servizos e, incluso, permite crear novos postos de traballo.
Esforzo do Goberno galego
O grupo municipal fai fincapé no “esforzo do Goberno galego que, unha vez máis, demostra que as políticas sociais son prioritarias, xa que con este novo auento de horas garántese unha mellor atención no seu domicilio a todas as persoas dependentes que o precisen, pois non só beneficia aos propios usuarios, senón tamén ao conxunto da unidade familiar”.
O Concello “non inviste nin un só euro”
Fronte a esta vontade colaboradora da administración autonómica, a entidade local “non inviste nin un euro a maiores en axuda no fogar e, por riba, o alcalde e a concelleira de Servizos Sociais ocultan esta información de xeito ruin, cando se trata dunha información que debería facer pública con carácter inmediato”. Deste xeito, “xa que non o fan, vémonos na obriga de ser o Grupo Popular quen dea a coñecer esta importante nova á cidadanía, e animar ás familias afectadas a que demanden tanto ao alcalde coma á concelleira delegada de Servicios Sociais a inmediata aplicación deste incremento de horas”, apuntan.
Os populares tamén queren poñer en valor que se trata dunha iniciativa que impulsa a Xunta de Galicia, “a pesares da nefasta xestión da edil que dirixe a área encargada desta materia, que é a peor que houbo no Concello”, conclúen.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
