Burela 10-11-17. O Pescados Rubén Burela FS cedeu esta tarde a primeira praza de Segunda LNFS en duelo directo na pista do CD UMA Antequera (5-3), un rival que levou a voz cantante no electrónico nun encontro goleador que recibiu o descanso coa axustada vantaxe dos locais, por tan só 1-0.
Andaluces e galegos inauguraban a xornada 9 no Fernando Argüelles conscientes do que estaba en xogo, o liderado. Foron os locais os que tomaron a iniciativa no marcador xa no minuto 4, nun disparo cruzado de Miguel Fernández, en xogada de estratexia. Os de Juanma Marrube estaban cómodos coa pelota, pero con certa escaseza de presenza en finalización que foron suplindo cos minutos. A falta de 2 para o descanso, Cone evitou o empate ante o serio perigo burelista e volveu facelo no inicio da segunda parte, nun man a man ante Luisma, con mellores compases iniciais para os laranxas. Non tivo sorte o Pescados Rubén e tomaron máis vantaxe os locais, con Dani Ramos en parede con Cala (minuto 27). Lonxe de baixar os brazos, os de Juanma Marrube buscaron o gol sen descanso e enseguida se materializou, nos pés de Matamoros, de falta indirecta (minuto 27). Volvían estar enganchados os da Mariña, con todo, cumpríndose o ecuador do segundo período, os de Moli volveron ver portería, de novo con Miguel Fernández, nunha transición. Era a tarde-noite dos dobretes e Mata volveu facer acto de presenza fronte á rede andaluza para sentenciar, no 33. Así con 3-2, os laranxas saltaron á pista con xogo de cinco con seis minutos aínda por diante. A falta de 3, o pau repeleu o empate de novo nas zapatillas do 10 burelista. E xerro de auga fría; o Antequera aproveitou o rexeite para marcar o 4-2 desde o seu campo a porta baleira, con Miguel. Tras as boas ocasións de Hélder, e antes do incisivo Mata, no último minuto Óscar ampliou a fenda nunha recuperación en media pista; Luisma subiu acto seguido o 5-3, tras pelexa na área, sen tempo para máis.
Ficha técnica
CD UMA Antequera: Cone, Juanra, Miguel, Dani, Miguel Fernández, cinco inicial; tamén xogaron Cala, Óscar, Crispi, Dani Ramos, Carlos, David
Pescados Rubén Burela FS: Álex, Víctor, Luisma, Chus, Colacha, cinco inicial; tamén xogaron Hélder, Matamoros, Pope, Kelson
Goles: 1-0, minuto 4, Miguel Fernández; 2-0, minuto 27, Dani Ramos; 2-1, minuto 27, Matamoros; 3-1, minuto 30, Miguel Fernández; 3-2, minuto 33, Matamoros; 4-2, minuto 37, Miguel; 5-2, minuto 40, Óscar; 5-3, minuto 40, Luisma
Árbitros: Polo Polo // Tinoco Parrilla (Colexio extremeño). Por Antequera, amarela para Dani e Crispi. Por Burela amarela para Matamoros e Edu
Incidencias: Partido correspondente á xornada 9 de Segunda LNFS, disputado no pavillón Fernando Argüelles de Antequera.
QUE FARÍAS CON 300 EUROS?
Queres gañar 300 euros? Xa estás pensando que farías con eles? En que os gastarías? Pois ben, ti podes ser o agraciado/a con este premio o 18 de novembro en Vista Alegre, coincidindo coa xornada 10 de Segunda LNFS, entre o Pescados Rubén Burela FS e o Puertollano (18.30 horas).
En Burela, os negocios colaboradores Alain Afflelou Burela, Talleres Pomeda, Palacio de Cristal, Hotel Nordés, Parrillada de Jandro, cafetería Vista Alegre, Kessarys Joyeros, cervecería-vinoteca O Traste, Centro de Dietética e Nutrición Alba Vila, O Sargo, Bodega O Lagar, Espacio Lector Nobel e Talleres Harauto xa reparten as rifas, ademais de Galipizza e Resort Thalasso Las Sirenas, en Viveiro, e Living Sport, en Foz.
O sorteo, presencial, será a partir das 18.00 horas.
Entrada gratuita para socios do Burela FS e menores de idade
Non soci@s adult@s: 10 euros
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
