Ribadeo, 11 de novembro de 2017. Setenta afiliados e simpatizantes do PP de Ribadeo participaron na asemblea celebrada onte, venres, no hotel O Cabazo. O acto contou coa presenza do secretario xeral do partido en Galicia, Miguel Tellado, e outros cargos da formación popular como Daniel Vega ou José Manuel Balseiro, ademais dos representantes locais.
Previamente na sede do partido en Ribadeo o secretario xeral do PP de Galicia, Miguel Tellado; o coordinador dos populares na Mariña e delegado da Xunta na provincia de Lugo, José Manuel Balseiro; e o secretario de Organización do PP lucense e deputado autonómico, Daniel Vega, reuníronse cos membros do grupo municipal, encabezado por Jesús López Penabad, que tamén é o presidente local. Na xuntanza participou ademais a presidenta de Novas Xeracións en Ribadeo, Alba Rodil.
Miguel Tellado, Daniel Vega, José Manuel Balseiro e Jesús López Penabad tamén interviñeron no acto celebrado no hotel O Cabazo.
Jesús López Penabad fixo unha valoración moi positiva deste xuntanza e explicou que “serviu para analizar a situación do Partido Popular en Ribadeo e foi un paso máis de cara a crear unha alternativa de goberno para que o concello ribadense alcance un benestar que agora non ten e que necesitan os veciños”.
O presidente local e portavoz municipal do PP en Ribadeo tamén destacou que foi unha xornada “moi distendida e agradable cos afiliados, que nos resultou moi produtiva pola interconexión que houbo e as preguntas que nos trasladaron os asistentes. E Miguel Tellado demostrou que é unha persoa moi accesible e próxima”
Ademais López Penabad agradeceu “a todos os afiliados e simpatizantes que nos acompañaron onte nese acto celebrado no hotel O Cabazo” e anunciou que este tipo de iniciativas “repetirémolas nun futuro, porque resulta moi interesante ese contacto directo cos afiliados e simpatizantes do Partido Popular para que nos trasladen as súas inquedanzas”.
Setenta afiliados e simpatizantes do PP de Ribadeo participaron na asemblea celebrada onte coa presenza do secretario xeral do partido en galicia e outros cargos da formación popular
Relacionado
-
Patricia Otero acusa ao PP de Lugo de poñerse do lado da especulación e en contra das familias
-
A CIG convoca folga no comercio de alimentación da provincia de Lugo o 10 de outubro en resposta ás “miserentas propostas da patronal”
-
O PP censura o “afán recadador” do Goberno do estado que pretende cobrar 48.000€ anuais aos vilalbeses en taxas non establecidas no convenio da depuradora durante os próximos 25 anos
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
