Foz 17/02/2018.- O Concello de Foz vive nun estado de bloqueo e parálise de forma permanente. Os grandes asuntos pendentes: urbanismo, residencia, xestión da auga e depuradora seguen sen ningún avance. O reloxo corre e a incapacidade do alcalde para xestionar e solucionar os problemas da vila son cada vez máis palpables e visibles.
En marzo de 2016 acórdase a aprobación provisional do Plan Xeral despois dun longo itinerario que se iniciou no 2007 cunha primeira aprobación e de que se retomase no pleno de 26 de setembro de 2013, coa adaptación á nova normativa.
Un documento con un período de elaboración de máis de 10 anos, no que traballaron multitude de técnicos e organismos e que a día de hoxe segue igual, sen ter a aprobación definitiva. Aínda non sendo un documento pechado, xa que pode ser mellorado de novo nun futuro próximo, agora máis que nunca é necesaria a súa aprobación definitiva.
Para poder facilitar a educación, a sanidade, a atención ós nosos maiores, precisamos dunha serie de equipamentos nos que ofrecer estes servizos. É por iso que nos plans xerais de urbanismo se reservan bolsas de solo, de forma que ó medrar as vilas e cidades poidan aumentar tamén, na mesma ou en maior proporción, os servizos que os concellos ofrecen ós seus cidadáns.
É igualmente moi importante garantir a existencia de zonas verdes e deportivas, que actúan como zona de esparcimento, pulmón das cidades, contribúen a fixar o CO2 da atmosfera e melloran a calidade de vida dos cidadáns.
Estes equipamentos e zonas verdes precisan de reservas de solo. O repunte das construcións no Concello, baseadas nun planeamento urbanístico completamente antigo e desfasado -normas subsidiarias do ano 1981- poden limitar os servicios futuros de Foz. O PXOM, aprobado de forma inicial pero que non está aínda vixente, marca unha serie de zonas dotacionais e verdes que poden estar ameazadas polas obras baseadas en antigas licencias. É obriga do alcalde e do equipo de goberno perseguir a aprobación definitiva, para garantir a reserva de solo e asegurar unha edificabilidade sostible.
O 22 de decembro do ano pasado (2017) entra en xogo unha nova figura, coa publicación no DOGA do Plan Básico Autonómico da Xunta de Galicia. Este instrumento urbanístico será de aplicación nos concellos que carezan de Plan Xeral de Ordenación Municipal, como é o caso do Concello de Foz, que dispón dunhas normas subsidiarias obsoletas.
Así, establécese un novo documento urbanístico que é de obrigado cumprimento, que condiciona as tipoloxías e construcións que poidan facer os veciños e veciñas do municipio, xa que ten carácter normativo e non unicamente informativo.
O grupo municipal do PSdeG-PSOE de Foz vén de presentar 3 mocións que se debaterán no pleno do vindeiro xoves, para desbloquear dunha vez por todas o urbanismo sostible que tódolos veciños merecen e protexer a seguridade xurídica e os servicios públicos futuros:
1) Moción para instar á Xunta de Galicia a que clarifique a situación do PXOM de Foz e que técnicos da Xunta e de Augas de Galicia propoñan solucións reais para desbloquear e garantir a aprobación definitiva do Plan Xeral.
2) Moción para instar á Xunta de Galicia a que clarifique a incidencia do Plan básico autonómico e a concordancia coas Normas Subsidiarias en vigor e que se estableza un calendario con reunións nas parroquias para informar a tódolos veciños por técnicos competentes na materia.
3) Moción para a análise das licencias concedidas e sen autorización de ocupación. Iniciar os expedientes de caducidade en casos nos que sexa tecnicamente posible ó amparo da lexislación e os solares estean clasificados como verdes ou de uso dotacional no novo Plan Xeral.
É obriga dos gobernantes xestionar, resolver obstáculos e anticiparse ós problemas futuros. Quen non o queira ou saiba facer, que deixe paso. Foz ben o merece.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
