Lugo, 16 de febreiro de 2018.- O presidente da Xunta, Alberto Núñez Feijóo, renovou hoxe o compromiso co Campus da Terra de Lugo e avogou por poñer ao servizo do rural galego todo o seu coñecemento. “A ordenación do territorio e da propiedade, a agricultura, a xestión forestal sustentable, a conservación dos recursos naturais, a seguridade e calidade alimentaria e a relación cos animais nos ámbitos sanitarios, produtivos e ambientais son asuntos sobre os que os alumnos poden formarse neste campus e precisamos que todo o seu coñecemento o poidan poñer despois de xeito máis activo a favor de Galicia e do rural galego”, dixo.
Durante a entrega do XVIII Premio Aresa de Desenvolvemento Rural, Feijóo subliñou, como proba deste compromiso, que o próximo curso comezarán a impartirse dúas novas titulacións, que afondan na liña da modernización do rural para facelo máis competitivo e máis sustentable: un máster en operacións e enxeñaría de sistemas aéreos non tripulados e o primeiro grao oficial de paisaxe, o primeiro interuniversitario en Galicia.
“Estamos a falar dun paso máis na especialización do Campus de Lugo como Campus da Terra, para aproveitar todo o seu potencial como referente no campo da enxeñaría agraria e da ciencia veterinaria”, afirmou, incidindo en que sen formación, sen investigación e sen traballo científico sería imposible falar dun rural galego renovado, capaz de atopar novas formas de produción, coas máximas garantías sanitarias e con menores custos.
Nesta liña, subliñou que 2017 foi un dos mellores anos para os produtos do sector primario, tanto en produción vitivinícola, láctea, cárnica ou no referido á pesca. Ao fío disto reiterou que no sector cárnico o número de toneladas subiu un 6% con respecto a 2016, a facturación no sector lácteo incrementouse máis dun 10% e no sector vitivinícola a produción subiu un 3%. E referiuse, tamén, ás numerosas fusións de cooperativas. Así mesmo, resaltou que o sector pesqueiro galego acadou a mellor cifra de facturación en lonxa, rompendo o teito dos 500 millóns de euros.
Por outra banda, subliñou que ao longo do ano pasado aprobáronse máis de 1.300 axudas para mellorar as explotacións e garantir a incorporación de mozos. E entre 2017 e 2018, estanse a mobilizar uns 200 millóns de euros en investimentos industriais para transformar produtos agroalimentarios.
Feijóo concluíu a súa intervención destacando a traxectoria destes premios que cada ano recoñecen a contribución á mellora do ámbito rural de Galicia de persoas, empresas ou institucións.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
