Burela, 17 de abril de 2018. O barco museo Reina del Carmen xa está de novo no peirao de Burela despois de pasar varios días no estaleiro para sometelo a diferentes tarefas de mantemento. O concelleiro de Turismo, Ramiro Fernández Rey agradeceu a profesionalidade e a rapidez do traballo realizado por Astilleros Armón e declarou que estes días se están a instalar no porto, no lugar onde está atracado o barco, barreiras de protección para evitar danos no seu casco cando se rexistran temporais.
O edil burelés confirmou que “xa volvemos o barco ao seu sitio no peirao despois de facerlle o mantemento que hai que facerlle regularmente, cada dous anos é bo levar o barco ao estaleiro e revisar como está. Temos que agradecer o traballo a Astilleros Armón neste caso pola súa profesionalidade e pola súa rapidez tamén para poñer o barco ao día”.
O concelleiro de Turismo explicou que “se pintou, se revisou e o barco está en perfectas condicións despois da gran reparación que lle fixéramos no ano 2016. Xa está no seu sitio e xa está empezando a recibir visitas”.
Fernández Rey subliñou que “no día de hoxe están empezando a poñer as barreiras de defensa que se comprometera Portos a colocar, que vai ser unha cousa boa para o barco para cando hai temporais que non sufra danos”.
O edil asegurou que “o barco agora queda en estado de revista para os próximos dous anos, se non hai ningunha novidade, e é un orgullo poder seguir mostrando a cultura mariñeira e o barco museo a todos os veciños e veciñas de Burela e aos visitantes”.
O Barco museo Reina del Carmen volve estar no peirao de Burela despois de terlle realizado as correspondentes tarefas de mantemento
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
