O Valadouro 16, maio, 2018. O PP de O Valadouro alerta que o Concello ten sen executar 9.424 euros do Fondo de Compensación Ambiental da Xunta de Galicia, destinados ao mantemento da escola de agricultura ecolóxica. Esta circunstancia implica que a entidade local corre o risco de perder esta partida que el mesmo solicitou e se inclúe no Fondo de Compensación Ambiental impulsado polo Goberno galego.
Concretamente, a entidade local recibiu ao abeiro desta iniciativa 171.666 euros que se distribuían do seguinte xeito: conexión da rede de saneamento (84.276 euros), adquisición dun tractor (30.000 euros), gastos de recollida de lixo e limpeza e mantemento de espazos naturais (47.966 euros), e os preto de 9.500 para o mantemento do citado centro.
Deste xeito, os populares, e logo de constatar os datos que demostran “unha clara ineficacia na xestión por parte do alcalde”, censuran que o socialista “desperdice” unha oportunidade destas características, sobre todo, cando a escola agrícola “era o proxecto estrela do equipo de goberno”, como así anunciou o propio rexedor en xaneiro de 2016.
Naquela data, o alcalde daba conta da creación deste centro –por certo, apoiado pola Deputación de Lugo- como un referente neste campo, a través do que se daría formación para obter o certificado de profesionalidade en agricultura ecolóxica, tal e como se esixe para poder acceder a axudas da Unión Europea.
Supostamente, con este centro complementaríase a formación do alumnado da escola de agricultura existente, podendo acceder aos cursos oficiais da Xunta de Galicia e dando tamén entrada aos titulares de explotacións convencionais que queren formarse nesta materia. Entre os cursos que anunciaba o alcade eran os de agricultura ecolóxica, compostaxe, reciclaxe ou mesmo produción de conservas artesanais, podendo incluso sacarse carnés profesionais, como os de manipulador de alimentos ou o de aplicador de produtos fitosanitarios. Xa, naquel momento, o rexedor apuntaba que estaba estudando a posiblidade de incluír unha parte na partida que recibe o Concello a través do Fondo de Compensación Ambiental.
“Un brindis ao sol”
Tendo en conta o suceder dos feitos, o voceiro do PP, José Manuel Lamela, lamenta que “todo o que nos prometeu fose un brindis ao sol, pois non se entende doutro modo que teña sen executar estes cartos que, tal e como el mesmo dixo, ían para impulsar a escola”. Por este motivo, pídenlle ao responsable do goberno local “máis responsabilidade cos fondos que recibe doutras administracións e, por outra banda, que dea explicacións públicas a todos os veciños, así como ao alumnado e ao profesorado dos motivos polos que semella non interesarlle estes 9.500 euros”.
“Cremos que isto só se pode deber á deixadez e á incompetencia na xestión do Sr. Maseda, e que os cidadáns de O Valadouro deben de coñecer. Resulta totalmente reprobable que, se se me permite a expresión, tire ao lixo tan descaradamente estes fondos, polo que ben merecemos todos unha explicación. Son cartos que tiñan un destino claro, e a obriga do alcalde e cumprir, primeiro, co que prometeu e, segundo, coa súa responsabilidade política e administrativa a este respecto”, remarcan.
Abandono dos invernadoiros
A este respecto, o voceiro do PP tamén critica o “estado de abandono” no que se atopan os invernadoiros, situados precisamente nas inmediacións da escola. Segundo o popular, estes levan polo menos un ano “totalmente descuidados”, a pesares de seren creados como un dos elementos máis importantes do centro e nos que se investiron, xunto coa escola, máis de 200.000 euros, a través do Fondo de Compensación Ambiental doutras anualidades e da axuda económica da Deputación.
“Aquí temos o exemplo palmario de que os gobernos socialistas non son unha garantía de xestión, máis ben son exemplo de malos administradores. É responsabilidade dos dirixentes facer un correcto uso dos fondos públicos e nós estamos dispostos a reclamalo cantas veces faga falla”, insiste Lamela.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
