Foz, 17 de maio de 2018. Máis dun cento de persoas asistiron onte á noite en Foz á cea de conmemoración do 30 aniversario de creación de Acia Foz. No evento déronse cita empresarios locais, os tres presidentes da asociación, xornalistas e diferentes autoridades, que felicitaron á Acia polo traballo realizado ao longo destes anos e animáronos a seguir unidos loitando e facendo pobo, como di o seu slogan.
O acto deu comezo coa actuación de Felipe Sánchez, director da Escola de Música de Foz, que á guitarra e acompañado ao clarinete por Manuel Menacho interpretaron dúas pezas de Curros Enríquez: Un adiós á mariquiña e Os teus ollos. A continuación Agua Menacho recitou varios poemas co acompañamento musical da guitarra de Felipe. A noite foi moi emotiva e entrañable para Suso Fernández, o primeiro presidente que tivo a Acia de Foz, xa que foron os seus netos Agua e Manuel os que lle renderon a súa particular homenaxe.
A continuación tiveron lugar os discursos de José Carlos Paleo, o actual presidente da Asociación de Comerciantes de Foz; de Javier Castiñeira, alcalde de Foz; de Alfredo Llano, presidente da Mancomunidade de Municipios da Mariña; de José Mª Seijas, presidente da Federación Galega de Comercio; de Sol Vázquez, directora xeral de Comercio; e de José Manuel Balseiro, delegado territorial da Xunta de Galicia en Lugo.
José Carlos Paleo e Javier Castiñeira fixéronlle entrega dunha árbore da vida a Suso Fernández, en recoñecemento ao traballo realizado durante os anos que estivo á fronte da Acia local. O rexedor tamén o agasallou cunha insignia co escudo do Concello de Foz. A dona e compañeira de vida de Suso Fernández, Marita, recibiu un ramo de flores.
Todos os asistentes tiveron a oportunidade de escoitar atentamente a Suso Fernández, o tamén cronista oficial de Foz, que recordou os seus tempos á fronte da asociación, o traballo realizado por e para a vila, desexoulle moita sorte a José Carlos Paleo e á súa directiva e dixo que agarda que Acia Foz poida chegar a celebrar as súas vodas de ouro. Para Fernández a esencia inicial da asociación segue viva e adaptada aos tempos que corren.
O broche de ouro á quenda de intervencións púxoo de novo Felipe Sánchez, que na compañía de África ao piano, interpretou un tema de Quevedo, Después que te conocí, e outro de Antonio Barrio, En un rincón del camino.
Os asistentes ao 30 aniversario de Acia Foz compartiron un rico menú no restaurante Leytón nun ambiente moi agradable e no que as conversas e as lembranzas se prolongaron ata ben entrada a madrugada.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
