Nos últimos días, o Sr. Llano fixo varias declaracións aos medios de comunicación afirmando que vai “pelexar” e “loitar” por un novo pavillón de deportes para Burela. Isto xa o anunciou en outubro do ano pasado, hai oito meses e, a día de hoxe, non se coñece ningunha xestión ao respecto agás “falei con este e con aquel de que hai que facer…”, e aí remata a cuestión.
Por non ter, non temos nin solar, nin proxecto básico, nin memoria, nin valoración económica, nin alternativas de financiación dunha obra que é costosa.
Tendo en conta que o clube lle comunicou ao Concello en 2016 os imperativos da Liga Nacional de Fútbol Sala sobre as condicións requeridas aos pavillóns para xogar nas ligas profesionais de fútbol sala, e tendo en conta que a lexislación actual indica que as instalacións deportivas son competencia municipal, o alcalde xa tiña que ter dado pasos, e non un nin dous precisamente. Pero non, levamos dous anos perdidos, se realmente se quere facer un novo pavillón.
O que temos claro é que, sen entrar valorar na idononeidade ou non da infraestrutura, o que si debería ter feito o alcalde é un estudo da instalacións que se pretende, capacidade de espectadores, instalacións a albergar e dotación da mesma, etc. Con iso, habería que ter elaborado xa hai tempo un proxecto básico de execución coa súa memoria económica. De xeito paralelo, mirar que solo dotacional temos en Burela para ubicar a nova instalación deportiva, e xestionar cos propietarios a adquisición do mesmo. Arbitrar dúas ou tres alternativas de financiación e, con toda a documentación que vimos de citar, que non é pouca, reunirse coa Deputación e coa Xunta as veces que faga falla e negociar. Todo o que non sexa así, é unha perda de tempo. Non se pode ir a ningunha administración a falar dun novo pavillón sen ter claro o que se quere e os custes do mesmo.
Pero claro, iso implica traballo e…, buuuuffff, iso é moito pedirlle ao Sr. Llano, acostumado a un ritmo máis pausado, non sexa o demo… Sen ir máis lonxe, para mercar o solo dotacional (o Concello non tén en propiedade ningún solar con este tipo de calificación urbanística, única que legalmente permite a construción dun pavillón) hai que reunirse cos donos, facer ofertas, contraofertas…, en definitiva, levantarse do sillón e moverse.
Por certo, como o clube comunicou o que comunicou en 2016, en boa lóxica nos presupostos municipais de 2017 e nos de 2018 debería haber unha partida presupostaria para a adquisición de solo a tal efecto, pero nanai…, non hai nada. E cando o PP pediu que se fixara unha contía de 80.000 € dentro do Plan Único da Deputación para esa adquisición, Llano e o PSOE votaron en contra. Con que, nestes momentos, non hai partida para mercar os terreos para un novo pavillón, e un novo non se fai no aire (por certo, como seguramente non mirou o PXOM para buscar solo dotacional, aí vai unha suxerencia: o SURB-DO2, entre Camiño Real, Mestre Don Camilo e o edificio 2 do CEIP “Vista Alegre”, solo que conta no PXOM con acceso desde Mestre Don Camilo; nesa bolsa de dotacional hai varios miles de metros cadrados…).
A estas alturas da película, moito nos tememos que non hai nada feito, ou sexa, o compromiso de Llano con este novo pavillón que el mesmo anuncia é 0. Se lle facemos caso á súa rapidez para resolvor o novo plan de tráfico ou o cambio de ubicación do mercado, podemos agardar sentados (aínda que a nosa zona sacra quedará inevitablemente dolorida…).
PD. Sr. Llano, a ampliación do Vista Alegre feita en 2007 deixouna adxudicada o PP en aproximadamente 120.000 €, e o PP foi quen fixo a ampliación anterior e quen colocou a pista de parqué. Seña fiel á historia, non a invente.
GRUPO MUNICIPAL POPULAR DE BURELA.
“Cero compromisos do alcalde para un novo pavillón en Burela”. Grupo municipal popular de Burela
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
