Lugo, 5 de xuño de 2018.- A Consellería do Medio Rural investiu na provincia de Lugo 154 millóns de euros durante o pasado ano, segundo deu hoxe a coñecer o delegado territorial da Xunta, José Manuel Balseiro.
En Lugo, indicou, “o rural ten un peso específico tanto desde o punto de vista económico, pola importancia dos sectores agrogandeiro e forestal, como desde o punto de vista da poboación residente nas 1.251 parroquias rurais das nosas vilas e pobos”. Esta relevancia reflíctese -engadiu Balseiro- “en que en máis da metade dos concellos lucenses, 34 dos 67, as axudas que reciben só dende a Consellería do Medio Rural superan ao orzamento municipal”.
Así, indicou que hai casos, como o da Pastoriza, no que as achegas deste departamento duplican con creces o orzamento municipal (5,3 millóns de euros fronte aos 2,2 de orzamento propio), aínda que tamén son destacables os 1,2 millóns de diferencia que se dan en Láncara (3,2 millóns en achegas fronte a 1,9 millóns de orzamento municipal) ou en Guitiriz (4,6 millóns de investimento fronte a 3,3 millóns de orzamento).
Nesta mesma liña, o delegado afirmou que no 92% dos concellos lucenses as achegas desta consellería superan o investimento total que reciben da Deputación Provincial, “e mesmo o duplican ou triplican nalgúns casos”. En concreto, son todos os concellos a excepción de Burela, Cervo, Ribadeo, Ribas de Sil e Viveiro.
Grandes liñas de apoio
O volume inversor corresponde a distintas grandes liñas de apoio. En primeiro lugar, as axudas dirixidas ás explotacións agrarias suman 25,6 millóns de euros; neste apartado inclúense os plans de mellora, con máis de 18 millóns de euros, ou as axudas para a incorporación de mozos (máis de 6 millóns) e para pequenas explotacións (case 1,5 millóns), entre outras.
As obras en infraestruturas agrarias, como o plan Marco para o arranxo de camiños de titularidade municipal ou os procesos de reestruturación parcelaria, sumaron 3,6 millóns de euros.
As axudas da Axencia Galega De Desenvolvemento Rural (AGADER) ascenderon a 4,4 millóns de euros, principalmente en impulso a proxectos empresariais a través dos Grupos de Desenvolvemento Rural (GDR).
De capital importancia son as axudas do Fondo Galego de Garantía Agraria, que xestiona os 91,7 millóns de euros das axudas da Política Agraria Común (PAC).
No servizo de Montes superaron os 10,6 millóns de euros destinados a labores de reforestación, maquinaria forestal e tecnificación, ou labores de silvicultura mediante subvencións, consorcios ou convenios cos propietarios dos montes.
Igualmente, o servizo de Prevención de Incendios superou os 6 millóns de investimento -excluídos os labores propios de extinción- en tarefas de mantemento dos montes públicos, axudas a montes veciñais e SOFOR ou convenios cos concellos para a creación das brigadas, actuación de motobombas e rozas mecánicas.
Por último, no apartado de calidade agroalimentaria outorgáronse 10,7 millóns de euros en axudas, e o servizo de apoio gandeiro xestionou 1,5 millóns de euros para as Agrupacións de defensa sanitaria, axudas a apicultores, reposición de animais sacrificados por campañas, baleiros sanitarios e indemnizacións por sacrificios obrigatorios.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
