Viveiro 5 de Xuño de 2018. Esta exposición é a terceira das actividades programada pola asociación Tá en artes en homenaxe ó escultor mindoniense. Nesta ocasión, máis de 720 alumnos/as e 31 profesores/as, levan traballando todo o curso partindo da idea da Escultura como referencia e o patrimonio como resultado, a partires da figura de Juan Puchades Quilis. Máis de 72 esculturas dos once centros escolares da Mariña que participan nesta mostra poderase ver no CENIMA en horario de 10 a 13 horas e de 19 a 21 horas ata o 17 de Xuño , nesta data, entregaranse os premios do 1º certame de arte plástica Juan Puchades Quilis repartidos para os catro niveis de ensino : Infantil, Primaria Secundaria e Bacharelato e que serán entregados por Elena Candia alcaldesa de Mondoñedo en compañía do propio homenaxeado o escultor e mestre Juan Puchades Quilis.
Dende Tá en artes queremos invitar á comunidade da Mariña a visitar a exposición, para admirar o traballo e nivel de reflexión da comunidade educativa ó redor da reflexión da escultura e patrimonio. Queremos agradecer ós once centros participantes : ASPANANE (Viveiro), EEI San Roque (Viveiro), CEIP Plurilingüe Vista Alegre (Burela), CEIP Álvaro Cunqueiro( Mondoñedo), CEIP Fondo Noís (Foz), IES San Rosendo (Mondoñedo), IES de Foz, IES Monte Castelo ( Burela), IES Vilar Ponte ( Viveiro), IES Dionisio Gamallo Fierro(Ribadeo), e IES Alfoz-Valadouro, o esforzo e traballo realizado para esta mostra en especial ós/ás alumnos/as e profesores/as que expoñen. Lamentamos non poder editar a revista prevista cos traballos e memoria correspondente ante a imposibilidade de seres sufragada pola Deputación Provincial como no seu momento estaba previsto.
ÚLTIMA HORA
- A Deputación apoia os produtores da Faba de Lourenzá na súa festa anual
- Extinguido o incendio forestal de Ourol
- A V Carreira Alfoz–Valadouro reúne centos de participantes nun ambiente festivo e deportivo
- A directora xeral da Axencia Galega de Desenvolvemento Rural, Paz Rodríguez, acompañada polo delegado territorial da Xunta en Lugo, Alfonso Villares, asistiu este sábado á XXXIV Festa da Faba de Lourenzá, onde salientou o papel deste evento como elemento de dinamización socioeconómica do rural
- A directora xeral da Axencia Galega de Desenvolvemento Rural, Paz Rodríguez, acompañada polo delegado territorial da Xunta en Lugo, Alfonso Villares, asistiu este sábado á XXXIV Festa da Faba de Lourenzá, onde salientou o papel deste evento como elemento de dinamización socioeconómica do rural
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada. - Xurxo Souto volveu enchoupar Ribadeo coa súa enerxía creativa nun encontro celebrado este venres polas rúas da vila e na Biblioteca Municipal El Viejo Pancho, organizado pola A.C. Francisco Lanza
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural. - A XXXIX Feira do Mel do Valadouro celebrarase o sábado 10 de outubro, de 10:00 a 19:00 horas, na Praza de Santa María e na rúa Andrés López Palmeiro
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles. - Ata este domingo, 4 de outubro, desenvólvense en Ribadeo as xornadas gastronómicas do mexillón
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro. - A XXXIV Festa da Faba de Lourenzá foi a protagonista do programa Voces de Lugo, de RadioVoz, que se emitiu este venres en directo desde a Praza do Conde Santo para toda a provincia
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita. - O Salón dos Alcaldes acolleu a presentación do libro A volta a Galicia en 80 pedaladas. Patrimonio cultural en 2.400 km de cicloturismo, do que é autor Justo Jorge López
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña). - O Reyco Burela abre a súa escola con sesións específicas para porteiros/as
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
2021 Crónica 3 A Mariña - Implementado por GaliciaDigital