Ribadeo, 25 de setembro de 2018. O Partido Popular de Ribadeo traslada as queixas dun grupo de veciños polo mal estado no que se atopan as rúas nos barrios ribadenses de A Pega e A Graña, xa que están cheas de fochancas, non teñen beirarrúas e nin sequera están correctamente denominadas, o que xera moitos problemas os residentes nesta zona de Ribadeo.
O portavoz do PP no Concello ribadense, Jesús López Penabad, manifestou hoxe: “desde o Partido Popular de Ribadeo, facéndonos eco dunha demanda veciñal realizada xa no propio Concello hai tempo, temos que denunciar o mal estado no que se atopan os barrios de A Pega, A Graña e toda aquela zona en xeral”.
Jesús López Penabad explica que “é unha zona residencial de vivenda unifamiliar e hai unha pista feita de cando a concentración parcelaria cun rego asfáltico por enriba. Pero a ese pavimento, despois de vinte anos nalgún caso e trinta noutros, non se lle volveu facer ningunha reparación en condicións. Tan só se tapou algún bache. Só hai que pasar por alí para comprobar a cantidade de baches e o estado lamentable no que se atopa aquel barrio. Ademais non teñen beirarrúas, aínda que hai moitas vivendas unifamiliares. É unha zona urbana pero ten pouca pinta diso”.
O voceiro popular engade que “as rúas non están sinalizadas, hai duplicidades nas direccións, o que supón gran problema para os veciños desa zona. Pedimos ao Concello que axilice isto, haberá que delimitar as rúas, numeralas e arranxar esas rúas porque fai moita falta. Falouse co Concello e o goberno local di que ata dentro de dous anos non se lle pode tocar. É unha zona moi preto do casco urbano de Ribadeo, cara a Ove, onde están os colexios”.
López Penabad declara que os gobernantes municipais “están anunciando que van investir máis de 150.000 euros en arranxo de estradas e pedímoslles que se acorden destas zonas de Ribadeo que están tan abandonadas. É unha demanda dos veciños, cos que tivemos unha xuntanza, e queremos trasladalo para que o goberno municipal faga algo. Tanto que presumen de que teñen Ribadeo bonito que se dean unha volta por alí e verán no estado no que se atopa esta zona de A Pega e A Graña”.
O PP de Ribadeo solicita ao Concello que arranxe as rúas nos barrios de A Pega e A Graña tras escoitar as queixas dun grupo de veciños desa zona
Relacionado
-
A Pontenova, Barreiros e Muras entre os concellos que recibirán melloras en estradas provinciais
-
O BNG acusa o PP de demorar o arquivo do proxecto de Altri en Palas para que teña unha “pista de aterraxe” no futuro
-
O PP de Foz forza a Cajoto a presentar os orzamentos de 2026 para poder aprobar o pago de 466.000 euros en facturas pendentes
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
