Lugo 25, setembro, 2018. O Grupo Provincial do PP votou hoxe en contra da proposta do BNG na que pedían a disolución de Suplusa “por responsabilidade”. Os populares denuncian que a Deputación de Lugo xudicializa a continuidade de Suplusa porque non sabe defender os seus plans nos órganos nos que ten competencias en alusión á demanda presentada polo PSOE o pasado mes de xullo para disolución da entidade. Engaden ademais que os prazos de extinción da Fundación TIC demostran con claridade a imposibilidade de facer o mesmo coa sociedade urbanística no presente mandato.
O deputado Carlos Armesto explicou que Suplusa é unha entidade mercantil da Deputación con 15 anos de historia, que nace para crear moito solo industrial e actualmente hai demanda de parcelas. “Suplusa significa postos de traballo e detrás hai familias, persoas, traballadores, concellos con convenios que esperan executar esas obras”, precisou.
“Paréceme caótico que en 2015 o PSOE de présa e correndo convocara as prazas para o persoal das residencias e 3 anos despois non saben qué facer con elas. Hai que ser serio. Tivo unha utilidade bestial e usárona todos os gobernos porque o BNG estivo no goberno e usaron Suplusa para o seu beneficio, para coller e meter traballadores para dentro e agora como non poden estar teñen unha irresponsabilidade tremenda”.
O popular denunciou que os nacionalistas abandonaran o consello de administración de Suplusa “porque é unha irresponsabilidade”. “Serviu para moito Suplusa e funcionaba moi ben pero cando perdemos o control armamos unha guerra entre nós primeiro entre Martínez e o PSOE e agora co BNG e Suplusa xa non interesa. Hai que ser serios. Un día tiñan unha moción de urxencia o PSOE para acabar con ela e agora o BNG con outra. Se queren realmente o PP estamos dispostos a falar de todo, pero non de forma sucia e torticera xudicializando a vida desta institución e ir ao xulgado cunha demanda que terán que explicar. Se non queren que sexa medio propio traian unha proposta de goberno e dígannos con informes xurídicos que os traballadores poden ser readmitidos e non haberá problema, nin para os propios nin os seleccionados porque hai informes que din todo o contrario”.
“Se queren falar en serio teñen que retirar a demanda e traer unha proposta de goberno con informes xurídicos e agora mesmo o PP non vai entrar nese xogo. Queren que perdamos tempo e cartos cunha moción desas que non cumpre e acordar disolver Suplusa cando ao mellor o acordo tamén é recorrido no xulgado. Haberá entón que esperar ao que diga o xulgado”, engadiu.
Desde o PP amosaron tamén a súa sorpresa ante a proposta do BNG para que se cree outra sociedade. “Gastar cartos e xerar tensión aos traballadores, empresas e concellos que esperan por convenios para crear outro ente? Que o queren controlar vostedes? Se non están no consello de administración é porque renunciaron á súa obriga. Cando non lle gustan as regras do partido non xogan. O tema é serio. O control de Suplusa pola Deputación é do 100%. O plenario é o mesmo e o consello de administración noméao e destitúe este pleno, polo tanto non nos vale que non hai control”.
Retirada da demanda
“Retiren esa demanda e traian unha proposta fundamentada. E a partir de aí poderemos falar”, esgrimiu o deputado do PP.
Armesto defendeu que Suplusa é moi útil e que o único que cambiou é o presidente, que curiosamente contou co voto a favor do PSOE. Cambiou que están nun goberno en minoría e que xa non teñen a un presidente amigo. O obxectivo social é o mesmo, a encomenda de xestión, a mesma.
En canto ao PSOE, desde o PP pídenlle ao Goberno Provincial que explique “se nos informes que teñen no seu poder e non fan públicos se garante que os traballadores van poder ser transferidos á Deputación sen problema? A partir de aí os problema políticos arránxenos, a provincia necesita un goberno e nós estaremos nesa liña”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
