Barreiros 16-11-18. Como cada venres, os xubilados de Barriros déronse cita para seguer reclamandao pensións dignas, coa leitura deste texto.
Bon día, compañeiras e compañeiros. Case estamos rematando o ano, un ano de reivindicacións e mobilizacións no que a base de moito petar e moito berrar imos conseguindo algunha cousa, ainda que lentamente. O acordo de suba das pensións en función do IPC é un dos frutos da nosa loita, pero hai que seguir alerta, porque só con eso non se resolven os nosos problemas.
As loitas son sempre así, non dan os seus frutos no momento, pero sí a medio prazo, pois acordádevos senón do que levamos loitado tamén para que ampliaran o noso Hospital da Costa, que entontes veu visitar o presidente da Xunta. Pois esa ampliación foi polas mobilizacións da xente desta comarca, mobilizacións nas que moitas e moitos de vós participástedes. Agora esa ampliación tén que servir para que albergue servizos, para que non haxa listas de espera nin derivacións a Lugo nin ás clínicas privadas. E eso será a seguinte loita.
Decíamos que estamos rematando o ano polo tanto o goberno tén que elaborar os orzamentos do 2019. Pois ben, o pasado mes de outubro asinábase en Madrid o acordo subscrito polo PSOE e Unidos Podemos-En Comú Podem-En Marea para os orzamentos xerais do Estado en 2019, e no caso das pensións, aínda que contempla para o próximo ano unha suba non ambiciosa (vinculada exclusivamente á suba do IPC) e que por tanto non incrementa o poder adquisitivo d@s pensionistas, non entra nas causas estruturais que fan que Galicia padeza as máis baixas (en ocasións de auténtica miseria) de todo o Estado.
É certo que nese acordo recóllese a derrogación das medidas negativas da reforma de 2013, mais non toca as máis duras do 2011, implementadas precisamente polo goberno do PSOE, que incrementaba a idade de xubilación aos 67 anos, e aumentaba o período mínimo de cotización para acceder á xubilación. Por tanto, as medidas máis nocivas continuarían vixentes, xa que non existe tampouco un calendario de derrogación das reformas laborais máis duras, implementadas no seu día por PP e PSOE.
En días pasados, a Ministra de Traballo e Seguridade Social, Magdalena Valerio, dixo que ía ter que tirar do Fondo de Reserva para pagarnos a extra de decembro, dixo que había un burato de 18 mil millóns de euros, que tiñamos unha das taxas de natalidade mais baixas do mundo e unha das expectativas de vida mais altas do mundo. En definitiva, que fai coma todos os que a precederon, que anda poñendo a venda antes da ferida e quere curarse en saúde e que donde dixeron digo agora dicen diego, polo tanto como non podemos fiarnos de naide temos que seguir dándolle a ver se nos orzamentos do 2019, se chega a habelos, se recollen os puntos da nosa táboa reivindicativa, que son os que xa coñecedes e que volvemos a recordar:
– Derrogación das reformas laborais
– Aprobación dunha nova lexislación laboral e social que restitúa os dereitos perdidos como consecuencia das reformas anteriores
– Supresión do factor de sustentabilidade. (a súa aplicación está aprazada ata 2023, mais é necesaria a súa desaparición)
– Pensión mínima igual ao salario mínimo interprofesional
– Recoñecemento do dereito á xubilación ordinaria aos 65 anos, e voluntaria a partir de ter cotizados 35 anos, reais ou por aplicación dos coeficientes redutores en determinadas profesións.
– Confirmación da actualización anual das pensións en base ao IPC
– Blindaxe do sistema público de pensións
– Pensións dignas e con poder adquisitivo
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
