VIVEIRO .- A Deputación imparte en Viveiro un curso de protocolo para empregados da administración local a partir do 17 de novembro. A inscrición pódese facer ata o 12 de novembro de forma p... Ler máis
ÚLTIMA HORA
- Aínda hai prazas para o Curso de Jazz de Ribadeo, que homenaxea a Miles Davis no seu centenario
- A Roda reabre o seu Centro Cultural grazas ao impulso dos fondos LEADER
- Heroican Race 2026: Ribadeo, preparado para acoller este domingo unha das grandes citas das carreiras de obstáculos
- A maxia do San Xoán tamén chegou á Escola Infantil Municipal de Cervo
- O Concello de Cervo pechou a tempada do programa Arruguiñas cunha cita especial celebrada este luns, na que tivo lugar unha nova edición de Arruguiñas Charlando
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes. - Este venres, 26 de xuño, ás 20:30 horas, terá lugar na libraría Bahía de Foz a presentación do libro Mazarelos, de Manuel Portas
No acto acompañará ao autor o filólogo e escritor Ramón Reimunde. - A vindeira segunda feira, 29 de xuño, comeza a décimo terceira edición da Escola de Minitalentos, organizada por Academia A Mariña para nenos e nenas de 3 a 12 anos
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org. - O Concello de Viveiro modificará de xeito temporal a localización de dous contedores con motivo da celebración das Festas de Covas
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida. - O venres 19 de xuño celebrouse a graduación de Ciclos formativos do IES Perdouro de Burela
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación. - A subdelegada do Goberno en Lugo, Olimpia López, presidiu este luns a Xunta Local de Seguridade de Viveiro xunto coa alcaldesa, Mariña Gueimunde, para coordinar o dispositivo de seguridade con motivo da celebración do ‘Resurrection Fest’, na súa XXI edición
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore. - O delegado da Xunta, Alfonso Villares, presentou este sábado en Abadín a cuarta edición do festival Rumboia Viva, que terá lugar o 27 de xuño con apoio autonómico
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
2021 Crónica 3 A Mariña - Implementado por GaliciaDigital