Esta asociación é a organizadora da Carreira popular da praias e das Carreiras Monte Comado, que se celebran no concello de Barreiros. A empresa chantadina Daveiga, aportara como colaboración para a Carreira este lote de galletas, pero ante a situación sanitaria e social actual provocada polo covid 19, o grupo organizador decidiu suspendela edición 2020. De mutuo acordo entre a empresa Daveiga, ADC Praias de Comado e o Concello, procedeuse a doar este lote para o Banco de alimentos, asistindo a este acto o concelleiro de dinamización e participación veciñal, a responsable do Banco de alimentos e membros da asociación organizadora.

Desde a Xunta de Confrarías, comunícase que do 10 ao 16 de Agosto, na Avenida de Cervantes (Local de Deportes Cota), procederase unha vez máis ao reparto do Libro Pregón da Semana Santa de Viveiro do presente ano 2020 que por motivos da Pandemia non se celebrou, pero ao estar editado igualmente, faise a correspondente entrega aos Confrades e os que o demandaron. Nesta primeira distribuíronse máis de 1000 exemplares

Maite Ferreiro sinalou que “os últimos acontecementos, coa actitude de Alcoa nas negociacións do Ere, demostran que a única solución para que as cubas non paren é intervir a empresa”. Neste senso, lembrou que o Pleno provincial aprobou unha moción na que se reclama a intervención da multinacional, que pretende deixar na rúa preto de 1000 traballadores. “O Goberno do Estado e a Xunta teñen que aclarar xa de que lado están, do lado dos traballadores, do futuro da Mariña, ou do lado da empresa”, concluíu.

A Comisión Crecente Vega reuniuse esta semana co deseñador Pepe Barro e o escritor Ricardo Polín para deseñar e editar o novo libro "O mundo nun puño de remol (poesía póstuma)", que o lucense non publicou debido ao seu pasamento. Este libro, que conta co apoio do Concello natal do autor, Castro de Rei, sairá a finais de verán.

Este venres ás 10 diante do Pazo do Hórreo solicitarán que os novos parlamentarios apoien ao comité nas súas reclamacións e lle esixan a Alcoa que abra o proceso de venda sen condicionalo a un Ere ou Erte, e a unha parada de cubas despois de 6 semanas.

O concelleiro de Cultura, José Díaz, dixo que "retomamos as noites de cine ao aire libre, que sempre moven a moitas familias cos seus fillos e fillas". Para o edil burelés: "había ganas desta actividade, que sempre empezabamos en xuño ou en xullo desde o ano 2015, e que nesta ocasión tivemos que retrasar ata o de agora por mor do covid". José Díaz sinalou que "o balance é bo. A sesión desenvolveuse seguindo todas as medidas de seguridade e hixiene en vigor" e lembrou que "repetiremos sesión de cine ao aire libre o vindeiro 19 de agosto".

Na actual situación de bloqueo, o Conselleiro de Industria volveu pedir un marco enerxético que aclare o camiño do comprador. Afirmou que cun prezo eléctrico competitivo a viabilidade da fábrica é posible. A Xunta bríndase a colaborar co Ministerio para establecer ese marco eléctrico. Necesítanse medidas inmediatas para o plan inversor por marte do goberno que den resposta ás 1000 familias que dependen do desbloqueo da actual situación, engadiu o titular de industria do goberno galego.