Nota de prensa:
A 1º Feira Outlet de comerciantes só da capital abre as súas portas con descontos de ata o 70%
– Gómez Besteiro e López Orozco inauguran a iniciativa impulsada por Deputación e Concello de Lugo xunto á Asociación de Autónomas, Empresarias e Profesionais lucenses para potenciar e manter postos de traballo neste sector
– 20 profesionais da capital poñen á venda os seus stocks -pezas de zapatería, téxtil, xoiería, mercería, óptica, droguería e ata delicatessen – por primeira vez no centro da capital, e antes ca ningún outro comerciante de fóra da provincia
– O Presidente da Deputación desexa a estes profesionais a mesma sorte que os artesáns de Artesanfroilán logo de acadar un volume de negocio de case 100.000 euros, un 20% máis que no 2009
O Presidente da Deputación, José Ramón Gómez Besteiro, e o Alcalde de Lugo, José López Orozco, xunto á Presidenta da Asociación de Autónomas, Empresarias e Profesionais lucense, Nora Real, inauguraron este vernes a 1º Feira Outlet de comerciantes exclusivamente da cidade de Lugo. Tratáse dunha iniciativa impulsada por Deputación, Concello de Lugo e dito colectivo, co obxectivo de potenciar e manter postos de traballo neste sector da capital. Noutras cidades de España xa se levou a cabo, acadando grandes beneficios. Para elo, logo do éxito da última edición de Artesanfroilán, onde o volume de negocio acadou os 100.000 euros, un 20% máis que en 2009, o organismo provincial e o municipio lucense sitúan a mostra na céntrica praza Anxo Fernández Gómez, sendo a primeira vez que o centro da cidade acolle unha feira destas características.
Gómez Besteiro subliñou que “esta feira pecha unha semana de boas noticias como a licitación da nova estación intermodal de Lugo. Estamos convencidos de que a colaboración entre Deputación, Concello, e este colectivo; xunto á ubicación da feira; e o feito de que esta sexa a semana da sorte logo dos beneficios acadados en Artesanfroilán; fará que esta mostra repercuta na mellora do sector do comercio. Non podemos esquecer que se ós comerciantes lles vai ben, a Lugo tamén, porque os autónomos son a base económica da provincia. Por iso temos que mimar ó pequeno comercio”.
Pola súa banda, López Orozco destacou que “o pequeno comercio ten que buscar fórmulas imaxinativas e tomar a iniciativa para competir en calidade. Non podemos deixar que este sector vaia para baixo. Hai dous camiños: andarse queixando ou desenvolver iniciativas coma este outlet. Somos unha cidade 10 e somos unha cidade de nota 10”.
Esta iniciativa súmase ó “Pacto Provincial polo Emprego” co que a Deputación logrará insertar laboralmente a 540 desempregados na provincia nas profesións de futuro; a “Km0. Deputación de Lugo”, o programa medioambiental que mantén 3.000 postos de traballos en Lugo grazas á colaboración que organismo provincial mantén con comerciantes, artesáns, transportistas, traballadores de empresas de lecer ou aventura, hostaleiros, etc; ou ás pioneiras subvencións en España coas que a Deputación se fai cargo dos cargos correntes dos autónomos da provincia.
Participantes e horario
A Asociación de Autónomas, Empresarias e Profesionais de Lugo reuniu a 20 comerciantes lucenses para por á venda na capital, e antes ca ningún outro comerciante de fóra de Lugo, os seus stocks. Deste xeito, a cidade de Lugo acolle unha mostra composta por variadas pezas de zapatería, téxtil, xoiería, mercería, óptica, droguería e ata delicatessen que contan con descontos de entre o 50% ó 70%.
Os comerciantes que exporán os seus produtos son os seguintes: Chiqui, Messalina, Copy Zapatos, Tintoretto, Abegonza, Montse Arias, Estela, Briti, Lencería Lilas, Chupete, Bebo y Beba, INPE, Dick & Paul, Droguería Romay, Metacrilato e artígos de regalo, Clamar Regalos, Santo Domingo 2 Galerías, Torques Lugo, Óptica Torres, Xoiería Senen e La Palloza.
Este venres, logo da inauguración por parte de Gómez Besteiro e López Orozco ás 17:00 horas, a apertura ó publico da 1º Feira Outlet de comerciantes de Lugo será ás 18:30 horas e ata ás 22:00 horas. Durante a fin de semana, 16 e 17 de outubro, o horario será o seguinte: de 12:00 ás 14:30 horas pola mañá, e de 16:30 ás 22:00 horas pola tarde.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.